ಬಳ್ಳಾರಿ: ಗ್ರಾಮ ಪಂಚಾಯತ್ ಚುನಾವಣೆ ಫಲಿತಾಂತ ಹೊರ ಬಿದ್ದ ಕೂಡಲೇ ಅಭ್ಯರ್ಥಿಗಳಿಗೆ ಹೂವಿನ ಮಾಲೆಗಳನ್ನು ಹಾಕಿ, ಹಾಲಿನ ಅಭಿಷೇಕ ಮಾಡಿ, ಪಟಾಕಿ ಹಚ್ಚಿ, ಹಲಗೆ ಹೊಡೆದುಕೊಂಡು ಊರಿನಲ್ಲಿ ಮೆರವಣಿಗೆ ಮಾಡುವ ಮೂಲಕ ಸಂಭ್ರಮ ಆಚರಿಸಿದ ದೃಶ್ಯಗಳು ಕಂಡು ಬಂದವು.
ಗ್ರಾಮ ಸಮರದಲ್ಲಿ ಗೆದ್ದವರಿಗೆ ಹೂಮಾಲೆ ಹಾಕಿ ಸಂಭ್ರಮಾಚರಣೆ
ಜಿಲ್ಲೆಯ ವಿವಿಧ ತಾಲೂಕುಗಳಲ್ಲಿ ಗ್ರಾಮ ಪಂಚಾಯತ್ ಚುನಾವಣೆಯ ಮತ ಎಣಿಕೆ ಕಾರ್ಯ ರಾತ್ರಿ 12ರ ವರೆಗೆ ನಡೆದಿದ್ದು, ಫಲಿತಾಂಶ ಹೊರಬಿದ್ದ ನಂತರ ಸಂಭ್ರಮಾಚರಣೆಯ ದೃಶ್ಯಗಳು ಕಂಡುಬಂದಿವೆ. ಅಲ್ಲದೇ, ಚುನಾವಣೆಯಲ್ಲಿ ಜಯಶೀಲರಾದವರನ್ನು ಮತ್ತು ಸೋತವರನ್ನು ಕೈ ಕುಲುಕಿಸುವ ಮೂಲಕ ಒಂದುಗೂಡಿಸುವ ಕೆಲಸವನ್ನು ಈ ಗ್ರಾಮದ ಜನರು ಮಾಡಿದ್ದು ಇತರರಿಗೆ ಮಾದರಿಯಾಗಿದೆ.
ಕಂಪ್ಲಿ ತಾಲೂಕಿನ ನಂಬರ್ 3 ಸಣಾಪುರ ಗ್ರಾಮ ಪಂಚಾಯತ್, ಇಟಗಿ ಗ್ರಾಮ ಪಂಚಾಯತ್ ಕ್ಷೇತ್ರದಲ್ಲಿ ಅಯ್ಯೋದಿ ಮೀನ ಪಕ್ಕೀರ, ಸಣ್ಣ ಬಾಲೆ ಸಾಹೇಬ್, ರತ್ನಮ್ಮ, ವಡ್ಡರ ಈರಮ್ಮ, ಕುರುಬರು ಗೂಳಮ್ಮ ಜಯಶೀಲರಾಗಿದ್ದು ಅವರನ್ನು ಸನ್ಮಾನಿಸಲಾಗಿದೆ.