ವಿಠಲ ಕೃಷ್ಣಮಂದಿರದಲ್ಲಿ ಪೇಜಾವರ ಶ್ರೀಗಳಿಗೆ ಶ್ರದ್ಧಾಂಜಲಿ

ಬಳ್ಳಾರಿಯ ರಾಯಲ್ ಕಾಲೋನಿಯ ವಿಠಲ ಕೃಷ್ಣ ಮಂದಿರದಲ್ಲಿ ಪೇಜಾವರ ಮಠದ ಹಿರಿಯ ಯತಿವರ್ಯ ವಿಶ್ವೇಶ ತೀರ್ಥ ಶ್ರೀಪಾದಂಗಳವರಿಗೆ ಶ್ರದ್ಧಾಂಜಲಿ ಸಲ್ಲಿಸಲಾಯಿತು. ಶ್ರದ್ಧಾಂಜಲಿ‌ ಸಭೆಯಲ್ಲಿ ಮಠದ ಭಕ್ತರು ಪಾಲ್ಗೊಂಡಿದ್ದರು.

ಬಳ್ಳಾರಿ: ರಾಯಲ್ ಕಾಲೋನಿಯ ವಿಠಲ ಕೃಷ್ಣ ಮಂದಿರದಲ್ಲಿ ಪೇಜಾವರ ಮಠದ ಹಿರಿಯ ಯತಿವರ್ಯ ವಿಶ್ವೇಶ ತೀರ್ಥ ಶ್ರೀಪಾದಂಗಳವರಿಗೆ ಶ್ರದ್ಧಾಂಜಲಿ ಸಲ್ಲಿಸಲಾಯಿತು.

ರಾಯಲ್ ಕಾಲೋನಿಯ ವಿಠಲ ಕೃಷ್ಣ ಮಂದಿರ ನಿರ್ಮಾಣಕ್ಕೆ ಪ್ರೇರಣೆಯಾಗಿದ್ದ ಶ್ರೀಪಾದಂಗಳವರು ಈ ದೇಗುಲದ ಉದ್ಘಾಟನೆಗೂ ಆಗಮಿಸಿದ್ದರು. ಅವರು ಮಾಡಿದ ಕಾರ್ಯ ಸ್ಮರಣೀಯ. ದಲಿತರು, ಹಿಂದುಳಿದವರು, ಬಡವರು ಶ್ರೀಮಂತರು ಎನ್ನುವ ಭೇದ ಭಾವ ಮಾಡದೇ ಎಲ್ಲರನ್ನೂ ಒಂದುಗೂಡಿಸುವ ಪ್ರಯತ್ನ ಮಾಡಿದ್ದರು. ಮಾದರಿ ಸಮಾಜ‌ ನಿರ್ಮಾಣಕ್ಕೆ ಕೈ ಹಾಕಿದ್ದ ಶ್ರೀಗಳನ್ನು ದೇಶದ ಅತ್ಯುನ್ನತ ಸ್ಥಾನದಲ್ಲಿ ಇದ್ದವರು ಗೌರವಿಸುತ್ತಿದ್ದರು.

ಪೇಜಾವರ ವಿಶ್ವೇಶ ತೀರ್ಥ ಸ್ವಾಮೀಜಿ

ಈ ಶ್ರದ್ಧಾಂಜಲಿ‌ ಸಭೆಯಲ್ಲಿ ಪಾಲ್ಗೊಂಡ ಪ್ರತಿಯೊಬ್ಬರು ಗುರುಗಳ ಜೊತೆಗೆ ಇರೋ ನಂಟು ಮತ್ತು ಅವರ ಸೇವೆಯನ್ನು ಸ್ಮರಿಸಿದರು. ಸೀತಾರಾಮಾಚಾರ್, ಪ್ರಕಾಶರಾವ್, ಜಿ.ವಿ.ಪಟವಾರಿ, ಕೃಷ್ಣಮೂರ್ತಿ, ರಾಘವೇಂದ್ರ, ರಘರಾಮ, ಚಿದಂಬರ್, ವಿನಾಯಕ, ಶೋಭಾ, ವಿದ್ಯಾ, ಕವಿತಾ, ವೇದಾ ಹಾಗೂ ಮಠದ ಭಕ್ತರು ಪಾಲ್ಗೊಂಡಿದ್ದರು.