ಕೋಳಿಮಾಂಸ ತರುತ್ತೇನೆ ಎಂದು ಮನೆಬಿಟ್ಟ ವೃದ್ಧ ನಾಪತ್ತೆ

ಕೋಳಿಮಾಂಸ ತರಲು ತೆರಳಿದ್ದ ವೃದ್ಧನೊಬ್ಬ ಕಾಣೆಯಾಗಿರುವ ಘಟನೆ ಜಿಲ್ಲೆಯ ರಾಯಬಾಗ ತಾಲೂಕಿನ ಮೇಖಳಿ ಗ್ರಾಮದಲ್ಲಿ ನಡೆದಿದೆ.

ಚಿಕ್ಕೋಡಿ(ಬೆಳಗಾವಿ) : ವೃದ್ಧನೊರ್ವ ಮನೆಯಲ್ಲಿ ಬೂದಿಹಾಳಕ್ಕೆ ಹೋಗಿ ಕೋಳಿಮಾಂಸ ತೆಗೆದುಕೊಂಡು ಬರುತ್ತೇನೆಂದು ತೆರಳಿದಾತ ಕಾಣೆಯಾಗಿರುವ ಘಟನೆ ನಡೆದಿದೆ. ಇದರಿಂದ ಗಾಬರಿಗೊಂಡ ಮನೆಯವರು ರಾಯಬಾಗ ಪೊಲೀಸ್​ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಬೆಳಗಾವಿ ಜಿಲ್ಲೆಯ ರಾಯಬಾಗ ತಾಲೂಕಿನ ಮೇಖಳಿ ಗ್ರಾಮದ ನಿವಾಸಿ ರಾಮಪ್ಪಾ ತಿಪ್ಪಣ್ಣಾ ಭಜಂತ್ರಿ (80) ಕಾಣೆಯಾದ ವೃದ್ಧ.

ಏ.28ರಂದು ಸಂಜೆ 4 ಗಂಟೆ ಸುಮಾರಿಗೆ ಸೈಕಲ್ ತೆಗೆದುಕೊಂಡು ಹೋದವನು ಮನೆಗೆ ಮರಳಿ ಬಂದಿಲ್ಲ ಎಂದು ರಾಮಪ್ಪನ ಮಗ ಯಲ್ಲಪ್ಪ ಭಜಂತ್ರಿ ರಾಯಬಾಗ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.