ಮನೆ ಬಿದ್ದರೇನು...ಗೋಡೆ ಕುಸಿದರೇನು..ಗಣೇಶನಿಗಿಲ್ಲ ವಿಘ್ನ..ನೆರೆ ಸಂತ್ರಸ್ತರಿಂದಲೂ ಪೂಜೆ..!

ಮನೆಗಳನ್ನು ಕಳೆದುಕೊಂಡರೂ ನೆರೆ ಸಂತ್ರಸ್ತರು ಕೂಡ ಗಣೇಶ ಚತುರ್ಥಿಯನ್ನು ಆಚರಿಸಿದ್ದಾರೆ.

ಚಿಕ್ಕೋಡಿ:ಪ್ರವಾಹದಿಂದ ಮನೆಗಳನ್ನು ಕಳೆದುಕೊಂಡರೂ ವಿಘ್ನನಿವಾರಕನಿಗೆ ಪೂಜೆ ಅಂತೂ ನಿಂತಿಲ್ಲ, ಗಣೇಶ ಚತುರ್ಥಿಯನ್ನು ನೆರೆ ಸಂತ್ರಸ್ತರು ಕೂಡ ಆಚರಿಸಿದ್ದಾರೆ.

ಮನೆ ಬಿದ್ದರೂ ಶೆಡ್​​ನಲ್ಲಿಯೇ ಗಣೇಶನಿಗೆ ಪ್ರತಿಷ್ಠಾಪಿಸಿ ಪೂಜೆ ನೆರವೇರಿಸಿದ್ದಾರೆ. ಚಿಕ್ಕೋಡಿ ತಾಲೂಕಿನ ಯಡೂರ, ಕಲ್ಲೋಳ, ಚಂದೂರ, ಇಂಗಳಿ, ಮಾಂಜರಿ ಸೇರಿದಂತೆ ವಿವಿಧ ಗ್ರಾಮದಲ್ಲಿ ಇತ್ತೀಚೆಗೆ ಕೃಷ್ಣಾನದಿಗೆ ಭಾರಿ ಪ್ರವಾಹದಿಂದ ಜನರು ಮನೆಮಠಗಳನ್ನು ಕಳೆದುಕೊಂಡು ನಿರಾಶ್ರಿತರಾಗಿದ್ದಾರೆ. ಆದರೆ ಈ ಮಧ್ಯೆಯೂ ಗಣೇಶ ಚತುರ್ಥಿ ಆಚರಿಸಿದ್ದಾರೆ.

ದೇವರು ನಮಗೆ ಇಷ್ಟೊಂದು ಕಷ್ಟವನ್ನು ಕೊಟ್ಟರು ನಾವು ದೇವರನ್ನು ಮರೆಯುವುದಿಲ್ಲ ಎಂದು ಬಿದ್ದ ಮನೆಗಳಲ್ಲಿ ಗಣೇಶನ ಮೂರ್ತಿಯನ್ನು ಪ್ರತಿಷ್ಠಾಪಿಸುವುದರ ಮೂಲಕ ಭಕ್ತಿಯ ಪರಾಕಾಷ್ಠೆಯನ್ನು ಮೆರೆದಿದ್ದಾರೆ.