ಬೆಂಗಳೂರು:ಯೇಸು ಕ್ರಿಸ್ತನ ಪ್ರತಿಮೆ ನಿರ್ಮಾಣ ಯೋಜನೆ ಎರಡು ವರ್ಷದ ಹಿಂದಿನ ಚಿಂತನೆ. ನಾನೂ ಈ ವರೆಗೂ ಕೇವಲ ಒಂದಲ್ಲ ಎರಡಲ್ಲ ನೂರಾರು ಹಿಂದೂ ದೇವಾಲಯಗಳ ನಿರ್ಮಾಣಕ್ಕೂ ನೆರವಾಗಿದ್ದೇನೆ. ಆದರೆ, ಪ್ರಚಾರ ಮಾಡಿಕೊಂಡಿಲ್ಲ ಎಂದು ಡಿಕೆಶಿ ಸ್ಪಷ್ಟಪಡಿಸಿದರು.
ಯೇಸು ಕ್ರಿಸ್ತನ ಪ್ರತಿಮೆ ನಿರ್ಮಾಣ ಯೋಜನೆ ಇಂದು ನಿನ್ನೆಯದ್ದಲ್ಲ: ಡಿಕೆಶಿ ಸ್ಪಷ್ಟನೆ
ಡಿಕೆ ಶಿವಕುಮಾರ್ ಇಂದು ತಮ್ಮ ಸದಾಶಿವ ನಗರ ನಿವಾಸದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿ, ಕನಕಪುರದಲ್ಲಿ ನಿರ್ಮಾಣವಾಗುತ್ತಿರೋ ಯೇಸುವಿನ ಏಕಶಿಲಾ ಮೂರ್ತಿಯ ವಿಚಾರದ ಬಗ್ಗೆ ಸ್ಪಷ್ಟನೆ ನೀಡಿದರು. ಯೇಸು ಕ್ರಿಸ್ತನ ಪ್ರತಿಮೆ ನಿರ್ಮಾಣ ಯೋಜನೆ ಇಂದು ನಿನ್ನೆಯದ್ದಲ್ಲ. ಎರಡು ವರ್ಷಗಳ ಹಿಂದೆಯೇ ಈ ಬಗ್ಗೆ ಚಿಂತನೆ ನಡೆದಿತ್ತು. ಈಗ ಅಲ್ಲಿನ ಜನಕ್ಕೆ ನೀಡಿದ್ದ ಭರವಸೆ ಪೂರ್ಣಗೊಳಿಸಿದ್ದೇನೆ. ಇದಷ್ಟೇ ಅಲ್ಲ. ಈ ವರೆಗೂ ಒಂದಲ್ಲ ಎರಡಲ್ಲ ನೂರಾರು ದೇವಾಲಯಗಳ ನಿರ್ಮಾಣಕ್ಕೆ ನೆರವಾಗಿದ್ದೇನೆ. ಆದರೆ, ಅವ್ಯಾವುದನ್ನೂ ಸುದ್ದಿಗಾಗಿ ಮಾಡಿ, ಪ್ರಚಾರ ಮಾಡಿಲ್ಲ ಅಷ್ಟೇ ಎಂದರು.