ಬೆಂಗಳೂರು :ನಗರದಲ್ಲಿ ಮನೆ ಬಾಡಿಗೆಗೆ ಇದೆ ಅಂತಾ ಮನೆ ಮುಂದೆ ಬೋರ್ಡ್ ಹಾಕುವ ಮುನ್ನ ಎಚ್ಚರ. ಬಾಡಿಗೆ ಮನೆ ಕೇಳುವ ನೆಪದಲ್ಲಿ ಜನರ ಸುಲಿಗೆ ಮಾಡುವ ಗ್ಯಾಂಗ್ವೊಂದು ಪತ್ತೆಯಾಗಿದೆ. ದೊಡ್ಡ ಮನೆಗಳು, ಮೂರ್ನಾಲ್ಕು ಬಾಡಿಗೆ ಮನೆ ಇರುವ ಕಟ್ಟಡಗಳನ್ನೇ ಗುರಿ ಮಾಡಿಕೊಂಡ ಆರೋಪಿಗಳು ಅಂದರ್ ಆಗಿದ್ದಾರೆ.
ತಬ್ರೇಜ್ ಅಹಮ್ಮದ್, ಸಮೀರ್ ಪಾಷ, ಸಾಧಿಕ್ ಖಾನ್, ಮಹಮ್ಮದ್ ಅದ್ನಾನ್ ಹಾಗೂ ರಫೀಕ್ ಪಾಷ ಎಂಬುವರು ಬಂಧಿತ ಆರೋಪಿಗಳು. ಈ ಗ್ಯಾಂಗ್ನವರು ಮನೆಗಳಲ್ಲಿ ಒಬ್ಬರೇ ವಾಸಿಸುತ್ತಿರುವುದನ್ನು ಅರಿತ ಕೂಡಲೇ ಕೈಚಳಕ ತೋರಿಸುತ್ತಿದ್ದರು.
ನಿತ್ಯ ನಗರದಲ್ಲಿ ತಿರುಗುತ್ತಿದ್ದ ಈ ಗ್ಯಾಂಗ್ ಮನೆಯೊಂದರಲ್ಲಿ ಒಬ್ಬರೇ ಇರುವುದನ್ನು ಪತ್ತೆ ಮಾಡಿಕೊಂಡಿದ್ದರು. ಬಳಿಕ ಒಂದು ದಿನ ಮನೆ ಬಾಡಿಗೆ ಕೇಳಿ, ನಾಳೆ ಪುನಃ ಬರುತ್ತೇವೆ ಅಂತಾ ಹೇಳಿ ವಾಪಸ್ ಹೋಗಿದ್ದರು.