ಪ್ರಯಾಣಿಕರ ಗಮನಕ್ಕೆ..ಇಂದು ಮೂರು ಗಂಟೆ ತಡವಾಗಿ ಹೊರಡಲಿವೆ ಈ ಮಾರ್ಗದ ರೈಲುಗಳು

ತಾಂತ್ರಿಕ ಕಾರಣಗಳಿಂದ ನೈರುತ್ಯ ರೈಲ್ವೆ ವಿಭಾಗದ ಕೋಲಾರ - ಚನ್ನಪಟ್ಟಣ ಡೆಮು ಮತ್ತು ಬೆಂಗಳೂರು - ಕೋಲಾರ ರೈಲುಗಳು ಇಂದು ಮೂರು ಗಂಟೆ ತಡವಾಗಿ ಹೊರಡಲಿವೆ.

ಬೆಂಗಳೂರು: ತಾಂತ್ರಿಕ ಕಾರಣಗಳಿಂದ ನೈರುತ್ಯ ರೈಲ್ವೆ ವಿಭಾಗದ ಕೆಲ ರೈಲುಗಳು ತಡವಾಗಿ ಹೊರಡಲಿದೆ.‌

ರೈಲು ಸಂಖ್ಯೆ (06384) ಕೋಲಾರ- ಚನ್ನಪಟ್ಟಣ ಡೆಮು ಮತ್ತು ಬೆಂಗಳೂರು - ಕೋಲಾರ (ರೈಲು ಸಂಖ್ಯೆ 06387) ಡೆಮು ರೈಲುಗಳು ತಾಂತ್ರಿಕ ಕಾರಣಗಳಿಂದಾಗಿ 3 ಗಂಟೆ ತಡವಾಗಿ ಹೊರಡಲಿವೆ. ಈ ಕುರಿತು ಬೆಂಗಳೂರು ವಿಭಾಗ ಟ್ವೀಟ್​ ಮೂಲಕ ಮಾಹಿತಿ ನೀಡಿದೆ.

ಇನ್ನು ಸಾಮಾನ್ಯವಾಗಿ ಕೋಲಾರದಿಂದ ರೈಲು ನಿರ್ಗಮನ ಸಮಯ 06.15 ಗಂಟೆಯಾಗಿತ್ತು. ಬೆಂಗಳೂರಿನಿಂದ ನಿಗದಿತ ನಿರ್ಗಮನ ಸಮಯ 08.35 ಗಂಟೆಯಾಗಿತ್ತು. ಆದರೆ ಇಂದು ಮಾತ್ರ ನಿಗದಿತ ನಿರ್ಗಮನ ಸಮಯದಿಂದ 3 ಗಂಟೆ ತಡವಾಗಿ ಹೊರಡಲಿವೆ.‌