ಬಿಎಂಟಿಸಿ ಬಸ್​ನಲ್ಲಿ ಪೊಲೀಸರ ಜೊತೆ ಮಹಿಳೆಯ ರಂಪಾಟ! ವಿಡಿಯೋ ವೈರಲ್

ಬಿಎಂಟಿಸಿ ಬಸ್ ಟಿಕೆಟ್​​ ತೆಗೆದುಕೊಳ್ಳದೇ ಬಸ್​ ಪಾಸ್​ ತೋರಿಸದೆ ಬಿಎಂಟಿಸಿ ಬಸ್​ ನಿರ್ವಾಹಕ ಹಾಗೂ ಪೊಲೀಸರ ಜತೆ ಮಹಿಳೆಯೊಬ್ಬರು ರಂಪಾಟ ಮಾಡಿದ ಘಟನೆ ಬೆಂಗಳೂರಿನ ಬಸವನಗುಡಿಯಲ್ಲಿ ನಡೆದಿದ್ದು, ಸಾಮಾಜಿಕ ಜಾಲ ತಾಣದಲ್ಲಿ ರಂಪಾಟದ ವಿಡಿಯೋ ವೈರಲ್​ ಆಗಿದೆ.

ಬೆಂಗಳೂರು:ವಾರದ ಹಿಂದೆ ಬಿಎಂಟಿಸಿ ಬಸ್​ನಲ್ಲಿ ಪೊಲೀಸರ ಜೊತೆ ಹಾಗೂ ಪ್ರಯಾಣಿಕರ ಜೊತೆ ಸುಮಾರು 50 ವರ್ಷದ ಆಸುಪಾಸಿನ ಮಹಿಳೆಯೊಬ್ಬರು ಬಸ್​ ಪಾಸ್​ ತೋರಿಸದೆ ಟಿಕೆಟ್‌ನ ತೆಗೆದುಕೊಳ್ಳದೆ ರಂಪಾಟ ಮಾಡಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಬೆಂಗಳೂರಿನ ಬಸವನಗುಡಿಯ ಜಂಬುಸವಾರಿದಿಣ್ಣೆ ಬಳಿ ಈ ಘಟನೆ ನಡೆದಿದೆ.

ಬಸವನಗುಡಿಯಿಂದ ಮೆಜೆಸ್ಟಿಕ್ ಕಡೆ ಹೊರಟಿದ್ದ ಬಿಎಂಟಿಸಿ ಬಸ್​ನಲ್ಲಿ ಕಂಡಕ್ಟರ್​ಗೆ ಟಿಕೆಟ್ ತೆಗೆದುಕೊಳ್ಳುವಂತೆ ಕೇಳಿದ್ದಾರೆ. ಪಾಸ್ ಇದೆ ಎಂದಿದ್ದಾರೆ. ತೋರಿಸಲು ಕೇಳಿದಕ್ಕೆ ಬಿಎಂಟಿಸಿ ಅವರನ್ನು ಕೇಳಿ ಎಂದು ಆವಾಜ್​ ಹಾಕಿದ್ದಾರೆ.ಮಹಿಳೆಯ ರಂಪಾಟ ಜೋರಾಗಿದ್ದು, ಬಸವನಗುಡಿ ಪೊಲೀಸರಿಗೆ ಮಾಹಿತಿ ನೀಡಲಾಗಿದೆ. ತಕ್ಷಣ ಸ್ಥಳಕ್ಕೆ ಎಸ್ಐಗೂ ಡೋಂಟ್​ ಕೇರ್​ ಎಂಬಂತೆ ವರ್ತಿಸಿದ್ದು, ಕರ್ತವ್ಯ ನಿರತ ಅಧಿಕಾರಿ ಮೇಲೆ ಕೈ ಮಾಡಲು ಮುಂದಾಗಿದ್ದಾರೆ.