ಸಿದ್ಧಾರ್ಥರ ಸ್ಮರಣಾರ್ಥ ಮೋಟರ್​ ಸೈಕಲ್​​​ ರೈಡ್​​

ಸಿಸಿಡಿ ಮಾಲೀಕ ದಿ. ವಿ.ಜಿ.ಸಿದ್ಧಾರ್ಥರ ಸ್ಮರಣಾರ್ಥ ರೈಡರ್ಸ್ ರಿಪಬ್ಲಿಕ್ ಮೋಟಾರ್‌ ಸೈಕಲ್ ಕ್ಲಬ್ 400 ಕಿ.ಮೀ. ಮೋಟರ್ ಸೈಕಲ್ ರೈಡ್​​ ಆಯೋಜಿಸಿತ್ತು.

ಬೆಂಗಳೂರು:ಕೆಫೆ ಕಾಫಿ ಡೇ ಮಾಲೀಕ ದಿವಂಗತ ವಿ.ಜಿ.ಸಿದ್ಧಾರ್ಥರ ಸ್ಮರಣಾರ್ಥ ರೈಡರ್ಸ್ ರಿಪಬ್ಲಿಕ್ ಮೋಟಾರ್‌ ಸೈಕಲ್ ಕ್ಲಬ್ ವತಿಯಿಂದ ಮೋಟರ್ ಸೈಕಲ್ ರೈಡ್ ನಡೆಸಲಾಯಿತು.

ಸಿದ್ಧಾರ್ಥ ಅವರಿಗೆ ಗೌರವ ಶ್ರದ್ಧಾಂಜಲಿ ಸಮರ್ಪಣೆಗಾಗಿ 400 ಕಿ.ಮೀ. ಮೋಟರ್ ಸೈಕಲ್ ರೈಡ್​​ಅನ್ನು ಕ್ಲಬ್ ಆಯೋಜಿಸಿತ್ತು. 50ಕ್ಕೂ ಹೆಚ್ಚು ಬೈಕ್ ಸವಾರರು ಮೋಟರ್ ಸೈಕಲ್ ರ‍್ಯಾಲಿಯಲ್ಲಿ ಭಾಗಿಯಾಗಿದರು.‌ ವಿಶೇಷವಾಗಿ ಆಂಧ್ರಪ್ರದೇಶದ ಪೆನುಗೊಂಡವರೆಗೆ ಬೈಕ್ ರ‍್ಯಾಲಿ ಹೋಗಲಿದ್ದು, ಅಲ್ಲಿ ಸಿಸಿಡಿ( ಕೆಫೆ ಕಾಫಿ ಡೇ) ಔಟ್​​ಲೆಟ್​​ಗಳಿಗೆ ಭೇಟಿ ನೀಡಿ ಬೈಕ್ ರೈಡರ್ಸ್ ಶ್ರದ್ಧಾಂಜಲಿ ಸಲ್ಲಿಸಲಿದ್ದಾರೆ.

ಈ ಸಂಬಂಧ ಇಂದು ಬೆಳ್ಳಂ‌ಬೆಳಗ್ಗೆ ವಿಠ್ಠಲ್ ಮಲ್ಯ ರಸ್ತೆಯಲ್ಲಿರುವ ಸ್ಕ್ವೇರ್ ಕೆಫೆ ಕಾಫಿ ಡೇನಲ್ಲಿ ಮೋಟಾರ್ ಸೈಕಲ್ ರ‍್ಯಾಲಿಗೆ ಚಾಲನೆ ನೀಡಲಾಯಿತು. ಈ ವೇಳೆ ಮಾತಾನಾಡಿದ ರೈಡರ್ ಮಂಜುನಾಥ್ ಸಿದ್ದಪ್ಪ, ನಾವು ಸಾಕಷ್ಟು ಜಾಗೃತಿ ಕಾರ್ಯಕ್ರಮ ಹಮ್ಮಿಕೊಂಡಾಗ ಹೆಚ್ಚು ಕೆಫೆ ಕಾಫಿಗೆ ಹೋಗಿ ರಿಲ್ಯಾಕ್ಸ್ ಆಗುತ್ತಿದ್ದೆವು. ಕೆಫೆ ಕಾಫಿ ಘಮವನ್ನ ಇಡೀ ಪ್ರಪಂಚಕ್ಕೆ ಸಾರಿದ ಸಿದ್ಧಾರ್ಥ್​ ನಮ್ಮೊಂದಿಗಿಲ್ಲ ಎಂಬುದು ವಿಷಾದದ ಸಂಗತಿ. ಸಿದ್ಧಾರ್ಥ್​ ಅಗಲಿಕೆ ಕರ್ನಾಟಕ ಮಾತ್ರವಲ್ಲದೇ ದೇಶಕ್ಕೂ ನಷ್ಟವಾಗಿದೆ ಎಂದರು.