ಪ್ರವಾಸೋದ್ಯಮ ಸಚಿವರ ಸಮ್ಮೇಳನದಲ್ಲಿ ಕನ್ನಡ ಮಾಯ: ಅಧಿಕಾರಿಗಳ ವಿರುದ್ಧ ಆನಂದ್ ಸಿಂಗ್ ಗರಂ

ಪ್ರವಾಸೋದ್ಯಮ ಇಲಾಖೆ ವತಿಯಿಂದ ಆಯೋಜನೆಗೊಂಡ ದಕ್ಷಿಣ ಭಾರತದ ಪ್ರವಾಸೋದ್ಯಮ ಸಚಿವರ ಸಮ್ಮೇಳನದ ವೇದಿಕೆಯಲ್ಲಿನ ಬ್ಯಾನರ್​ನಲ್ಲಿ ಕನ್ನಡ ಭಾಷೆ ಬಳಕೆಯಾಗಿರಲಿಲ್ಲ. ಇದನ್ನು ಗಮನಿಸಿದ ಸಚಿವ ಆನಂದ್ ಸಿಂಗ್ ಅಲ್ಲಿದ್ದ ಅಧಿಕಾರಿಗಳನ್ನು ತರಾಟೆಗೆ ತೆಗೆದುಕೊಂಡರು. ಇದಾದ ಬಳಿಕ ಕನ್ನಡ ಬಳಕೆ ಕಂಡುಬಂತು.

ಬೆಂಗಳೂರು: ಖಾಸಗಿ ಹೋಟೆಲ್​ನಲ್ಲಿ ಇಂದು ನಡೆದ ದಕ್ಷಿಣ ಭಾರತದ ಪ್ರವಾಸೋದ್ಯಮ ಸಚಿವರ ಸಮ್ಮೇಳನ ಕಾರ್ಯಕ್ರಮದ ಬ್ಯಾನರ್​​ಗಳಲ್ಲಿ ಕನ್ನಡ ಬಳಸದಿರುವುದಕ್ಕೆ ಸಚಿವ ಆನಂದ್ ಸಿಂಗ್ ಅಧಿಕಾರಿಗಳನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

ಕಾರ್ಯಕ್ರಮ ನಡೆಯುತ್ತಿದ್ದಂತೆ ಹೊರನಡೆದ ಆನಂದ್ ಸಿಂಗ್ ಪ್ರವಾಸೋದ್ಯಮ ಇಲಾಖೆ ಅಧಿಕಾರಿಗಳ ಜೊತೆ ಮಾತನಾಡಿದರು. ಈ ವೇಳೆ, ಆಡಳಿತ ಭಾಷೆಯಲ್ಲಿಯೇ ವೇದಿಕೆ ಕಾರ್ಯಕ್ರಮ ನಡೆಯಬೇಕು ಎಂಬ ನಿಯಮವೇ ಇದೆ ಎಂದು ನೆನಪಿಸಿದರು.

ಇದಾದ ಬಳಿಕ ವೇದಿಕೆ ಮೇಲಿನ ಡಿಜಿಟಲ್ ಬ್ಯಾನರ್​​​ನಲ್ಲಿ ಕನ್ನಡದಲ್ಲೂ ಕಾರ್ಯಕ್ರಮ ಕುರಿತ ಮಾಹಿತಿ ಪ್ರಸಾರ ಮಾಡಲಾಯಿತು.

ಇದನ್ನೂ ಓದಿ:ಪ್ರವಾಸೋದ್ಯಮ ಇಲಾಖೆ ಎಡವಟ್ಟು: ವೇದಿಕೆಯಲ್ಲಿ ತಡವಾಗಿ ಕಂಡ ಕನ್ನಡ