ಮಾಸ್ಕ್ ತಯಾರಿಕೆಗೆ ಮುಂದಾದ ಲೈಂಗಿಕ ಶೋಷಿತೆಯರು

ಬೆಂಗಳೂರಿನ ವನಿತ ಸಹಾಯ ವಾಣಿಯಿಂದ ಲೈಂಗಿಕ ಶೋಷಣೆಗೆ ಒಳಗಾದ ಮಹಿಳೆಯರಿಗೆ ತರಬೇತಿ ನೀಡಿ, ಮಾಸ್ಕ್​ ತಯಾರಿಕೆ ಮಾಡಿಸಲಾಗುತ್ತಿದೆ ಎಂದು ವನಿತ ಸಹಾಯ ವಾಣಿ ಅಧ್ಯಕ್ಷೆ ರಾಣಿ ಶೆಟ್ಟಿ ಹೇಳಿದರು.

ಬೆಂಗಳೂರು: ಲೈಂಗಿಕ ಶೋಷಣೆಗೆ ಒಳಗಾಗಿ, ಮಾನಸಿಕವಾಗಿ ಜರ್ಜರಿತವಾದ ಮಹಿಳೆಯ ಬದುಕು ಕಟ್ಟಿಕೊಡುತ್ತಿದೆ ಮಾಸ್ಕ್​ ತಯಾರಿಕೆ ಕೆಲಸ. ದೇಶಾದ್ಯಂತ ಭಾರಿ ಬೇಡಿಕೆ ವಸ್ತುವಾಗಿರುವ ಮಾಸ್ಕ್​ಗಳನ್ನು ಈ ಮಹಿಳೆಯರು ತಯಾರಿಸುತ್ತಿದ್ದಾರೆ. ಇವರ ಕೆಲಸಕ್ಕೆ ಬೆನ್ನೆಲುಬಾಗಿ ನಿಂತಿರುವುದು, ನಗರ ಪೊಲೀಸ್ ಆಯುಕ್ತ ಕಚೇರಿಯಲ್ಲಿರುವ ವನಿತ ಸಹಾಯ ವಾಣಿ ಕಚೇರಿ ಎಂಬುದು ವಿಶೇಷ.

ಅನೇಕ ಸಮಸ್ಯೆಗಳನ್ನು ಹೊತ್ತು ಸಹಾಯವಾಣಿಗೆ ಬರುವ ಮಹಿಳೆಯರಿಗೆ ಸ್ವಾವಲಂಬನೆ ಬದುಕು ಕಟ್ಟಿಕೊಡುತ್ತಿದೆ. ಸುಮಾರು 25 ಮಹಿಳೆಯರಿಗೆ ಮಾಸ್ಕ್​ ಹಾಗೂ ಇತರೆ ವಸ್ತುಗಳ ತಯಾರಿಕೆ ತರಬೇತಿ ನೀಡಿಲಾಗಿದೆ. ಉಚಿತವಾಗಿ ಹೊಲಿಗೆ ಯಂತ್ರಗಳನ್ನು ನೀಡಿದ್ದು, 10 ಮಹಿಳೆಯರು ಮನೆಯಲ್ಲಿ ಮಾಸ್ಕ್​ಗಳನ್ನು ತಯಾರಿಸಿ ಕೊಡುತ್ತಿದ್ದಾರೆ ಎಂದು ವನಿತ ಸಹಾಯವಾಣಿ ಅಧ್ಯಕ್ಷೆ ರಾಣಿ ಶೆಟ್ಟಿ ಈಟಿವಿ ಭಾರತ ಸಂದರ್ಶನದಲ್ಲಿ ತಿಳಿಸಿದರು.

ಸಮಸ್ಯೆಗಳ ಬಗ್ಗೆ ಕೌನ್ಸಿಲಿಂಗ್​ ಮಾಡಿ, ಜೊತೆಗೆ ಟೈಲರಿಂಗ್, ಕ್ಯಾಂಡಲ್ ಮೇಕಿಂಗ್ ಹೀಗೆ ಅನೇಕ ರೀತಿಯ ತರಬೇತಿ ನೀಡಲಾಗುತ್ತದೆ. ಕೋವಿಡ್-19ನಿಂದ ಬೇಡಿಕೆ ಇರುವ ಮಾಸ್ಕ್​ಗಳನ್ನು ತಯಾರಿಸಿ, 10 ರೂಪಾಯಿಗೆ ಒಂದನ್ನು ಮಾರಾಟ ಮಾಡಲಾಗುತ್ತಿದೆ ಎಂದರು.