ಬೆಂಗಳೂರು: ನನ್ನ ಕ್ಷೇತ್ರದಲ್ಲಿ ಗ್ರಾಮ ಪಂಚಾಯತಿ ಚುನಾವಣೆ ಕೆಲಸ ಮುಗಿಸಿ ಬರುತ್ತಿದ್ದಾಗ ಕೆಲ ಅಪರಿಚಿತರು ನನ್ನ ವಾಹನ ಹಿಂಬಾಲಿಸಿದ ಘಟನೆ ನಡೆದಿದೆ ಎಂದು ಮಾಜಿ ಸಚಿವ ಯುಟಿ ಖಾದರ್ ತಿಳಿಸಿದ್ದಾರೆ.
ಬೆಂಗಳೂರಿನಲ್ಲಿ ಸುದ್ದಿಗಾರರ ಜೊತೆ ಮಾತನಾಡಿ, ಮೊನ್ನೆ ತಮ್ಮ ವಾಹನವನ್ನು ಅಪರಿಚಿತರು ಹಿಂಬಾಲಿಸಿದ್ದರು. ನನ್ನ ಎಸ್ಕಾರ್ಟ್ನವರು ಅದನ್ನು ಗಮನಿಸಿ ಕಂಟ್ರೋಲ್‌ ರೂಂಗೆ ಮಾಹಿತಿ ನೀಡಿದ್ದಾರೆ. ಘಟನೆ ಬಗ್ಗೆ ಮಂಗಳೂರು ಕಮಿಷನರ್ಗೆ ಸಂಪೂರ್ಣ ಮಾಹಿತಿ ನೀಡಲಾಗಿದೆ. ಈ ಹಿಂದೆಯೇ ಗೃಹ ಇಲಾಖೆ ನನಗೆ ಎಚ್ಚರಿಕೆಯಿಂದ ಇರುವಂತೆ ಹೇಳಿತ್ತು. ಈಗ ಅದು ನಿಜ ಆಗಿದೆ. ಗೃಹ ಇಲಾಖೆಗೆ ನಾನು ಕೃತಜ್ಞತೆ ತಿಳಿಸುವೆ.
ನಾನು ಯಾರ ಮೇಲೂ ಅನುಮಾನ ಪಡೋಕೆ ಹೋಗಲ್ಲ, ಜೊತೆಗೆ ದಕ್ಷಿಣ ಕನ್ನಡದಲ್ಲಿ ಜಿಲ್ಲೆಯಲ್ಲಿ ಸೌಹಾರ್ದಯುತವಾಗಿ ರಾಜಕಾರಣ ಮಾಡ್ಕೊಂಡು ಇದ್ದೀವಿ. ಒಂದು ಸಮುದಾಯ ಟಾರ್ಗೆಟ್ ಆಗ್ತಾಯಿದ್ಯಾ ಅನ್ನುವುದು ಪೊಲೀಸ್ ತನಿಖೆಯಿಂದ ಗೊತ್ತಾಗಬೇಕು. ವಿಷಯ ಕುರಿತು ಗೃಹ ಸಚಿವರಿಗೆ ಮಾಹಿತಿ ಕೊಡುವೆ ಎಂದು ಹೇಳಿದ್ದಾರೆ.