ಬೆಂಗಳೂರು: ನಾನು ಬಿಬಿಎಂಪಿ ಕಡೆಯವನು, ಮಾಸ್ಕ್ ಹಾಕದಿದ್ದರೆ ಫೈನ್ ಹಾಕುತ್ತೇನೆ ಎನ್ನುತ್ತಿದ್ದ ನಕಲಿ ಮಾರ್ಷಲ್ವೊಬ್ಬನನ್ನು ಪೊಲೀಸ್ ಠಾಣೆಗೆ ಒಪ್ಪಿಸಿರುವ ಘಟನೆ ನಡೆದಿದೆ.
ಲಾಲ್ಬಾಗ್ ಬಳಿಯ ಸಿದ್ಧಾಪುರದ ನಿವಾಸಿ ಕಿರಣ್ ಎಂಬಾತ ಜಯನಗರದ ಮೊದಲನೇ ಹಂತದಲ್ಲಿ ನಕಲಿ ವಾಕಿಟಾಕಿ ಹಿಡಿದು, ತಾನು ಬಿಬಿಎಂಪಿಯವನು ಎಂದು ಓಡಾಡುತ್ತಿದ್ದ. ಕೈಯಲ್ಲಿ ಬಿಬಿಎಂಪಿ ಎಂದು ಬರೆದಿರುವ ಫೈಲ್ ಹಿಡಿದು, ಜನರನ್ನು ತಡೆದು ನಿಲ್ಲಿಸಿ ಮಾಸ್ಕ್ ಹಾಕದಿದ್ದರೆ ಫೈನ್ ಹಾಕುತ್ತೇನೆ ಎನ್ನುತ್ತಿದ್ದ. ಈ ವೇಳೆ ತಿಲಕ್ ನಗರ ಪೊಲೀಸರು ಹಾಗೂ ಜಯನಗರದ 169 ವಾರ್ಡ್ ಮಾರ್ಷಲ್ಸ್ ತಂಡ, ಈತನನ್ನು ಠಾಣೆಗೆ ಒಪ್ಪಿಸಿ ಎಫ್ಐಆರ್ ದಾಖಲಿಸಿದ್ದಾರೆ.