ಬೆಂಗಳೂರು: ಕೇಂದ್ರ ಸರ್ಕಾರಿ ನೌಕರರಷ್ಟೇ ವೇತನವನ್ನು ಸರ್ಕಾರಿ ಸ್ವಾಮ್ಯದ ಬ್ಯಾಂಕ್ ಉದ್ಯೋಗಿಗಳಿಗೆ ನೀಡಬೇಕೆಂದು ಒತ್ತಾಯಿಸಿ ಬ್ಯಾಂಕ್ ನೌಕರರ ಸಂಘಗಳ ಸಂಯುಕ್ತ ಒಕ್ಕೂಟ ಬ್ಯಾಂಕ್ ದೇಶಾದ್ಯಂತ ಮುಷ್ಕರ ನಡೆಸುತ್ತಿದೆ.
ನಗರದಲ್ಲೂ ಬ್ಯಾಂಕ್ಗಳು ಮುಷ್ಕರ ನಡೆಸುತ್ತಿದ್ದು, ಜ.31, ಫೆಬ್ರುವರಿ 1 ಹಾಗೂ ಫೆ.2 ರಂದು ಬ್ಯಾಂಕ್ ಸೇವೆ ಜನರಿಗೆ ಲಭ್ಯ ಇರೋದಿಲ್ಲ. ಎಟಿಎಂ ಕಾರ್ಯ ನಿರ್ವಹಿಸಿದರೂ, ಮೂರು ದಿನಗಳ ಕಾಲ ಹಣ ಸಿಗೋದು ಅನುಮಾನ ಎನ್ನಲಾಗುತ್ತಿದೆ. ಇನ್ನು ವೇತನ ಹೆಚ್ಚಳ ಸೇರಿದಂತೆ ಇತರೆ ಬೇಡಿಕೆಗಳಿಗೆ ಆಗ್ರಹಿಸಿ, ನಗರದ ಬ್ಯಾಂಕ್ಗಳೂ ಕೂಡಾ ನಾಳೆಯಿಂದ ಬಂದ್ ಆಗಲಿವೆ. ಕೆನರಾ ಬ್ಯಾಂಕ್ ಟೌನ್ ಹಾಲ್ ಮುಂಭಾಗದ ಕೇಂದ್ರ ಕಚೇರಿಯ ಆವರಣದಲ್ಲೇ ಮುಷ್ಕರ ನಡೆಯಲಿದೆ ಎಂದು ಬ್ಯಾಂಕ್ ಸಂಘದ ಮ್ಯಾನೇಜರ್ ಜಿ.ಎಸ್. ರಾಧಾಕೃಷ್ಣ ತಿಳಿಸಿದ್ದಾರೆ.