ಬೆಂಗಳೂರು:ಭಾನುವಾರ ರಾತ್ರಿನೈಟ್ ಔಟ್ಗೆಂದು ತೆರಳಿದ್ದ ಮೂವರು ಟೆಕ್ಕಿಗಳು ರಸ್ತೆ ಅಪಘಾತದಲ್ಲಿ ಪ್ರಾಣಬಿಟ್ಟಿದ್ದಾರೆ. ಒಂದೇ ಬೈಕ್ನಲ್ಲಿ ತೆರಳುತ್ತಿದ್ದ ಇವರು ಆಯತಪ್ಪಿ ಡಿವೈಡರ್ಗೆ ಬೈಕ್ನ್ನು ಗುದ್ದಿದ ಪರಿಣಾಮ ಮೂವರು ಸಾವನ್ನಪ್ಪಿರುವ ಘಟನೆ ಬಸವೇಶ್ವರನಗರದಲ್ಲಿ ಸಂಭವಿಸಿದೆ.
ನೈಟ್ ಔಟ್ಗೆಂದು ಒಂದೇ ಬೈಕ್ನಲ್ಲಿ ತೆರಳಿದ್ದ ಟೆಕ್ಕಿಗಳು... ಅಪಘಾತದಲ್ಲಿ ಮೂವರ ದುರ್ಮರಣ
ಬೆಂಗಳೂರಲ್ಲಿ ಭೀಕರ ಅಪಘಾತ ಸಂಭವಿಸಿದೆ. ನೈಟ್ ಔಟ್ಗೆಂದು ಒಂದೇ ಬೈಕ್ನಲ್ಲಿ ತೆರಳಿದ್ದ ಮೂವರು ಟೆಕ್ಕಿಗಳ ಪ್ರಾಣ ಪಕ್ಷಿ ಹಾರಿಹೋಗಿರುವ ಘಟನೆ ಬಸವೇಶ್ವರ ನಗರದಲ್ಲಿ ನಡೆದಿದೆ.
ಟೆಕ್ಕಿಗಳು ಅಪಘಾತದಲ್ಲಿ ಸಾವು
ಅನಿಲ್, ಕಾರ್ತಿಕ್, ಶ್ರೀನಾಥ್ ಮೃತ ಟೆಕ್ಕಿಗಳು.ಈ ಮೂವರುಮಧ್ಯೆರಾತ್ರಿ ಸುಮಾರು 1.30 ರ ಸಮಯದಲ್ಲಿ ಒಂದೇ ಬೈಕ್ನಲ್ಲಿ ಹೊರ ಹೋಗಿದ್ರು. ಟೆಕ್ಕಿ ಕಾರ್ತಿಕ್ ಬೈಕ್ನ್ನುವೇಗವಾಗಿ ಚಲಾಯಿಸಿಕೊಂಡು ತೆರಳುತ್ತಿದ್ದರು. ಈ ವೇಳೆ ಆಯತಪ್ಪಿ ಡಿವೈಡರ್ಗೆ ಬೈಕ್ ಡಿಕ್ಕಿ ಹೊಡೆದಿದ್ದು, ಮೂವರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ ಎಂದು ತಿಳಿದುಬಂದಿದೆ.
ಅಪಘಾತ ನಡೆದ ಸ್ಥಳ
ಬೈಕ್ ಮಾತ್ರ ಅಲ್ಪಮಟ್ಟಿಗೆ ಹಾನಿಯಾಗಿದ್ದು, ಟೆಕ್ಕಿಗಳು ಡಿಕ್ಕಿಯ ರಭಸಕ್ಕೆ ಬೈಕ್ನಿಂದ ಹಾರಿ ರೋಡಿಗೆ ಬಿದ್ದು ಸಾವನ್ನಪ್ಪಿದ್ದಾರೆ. ಮೃತದೇಹಗಳನ್ನು ವಿಕ್ಟೋರಿಯಾ ಅಸ್ಪತ್ರೆಗೆ ರವಾನಿಸಲಾಗಿದೆ. ಮೂವರು ಖಾಸಗಿ ಕಂಪನಿಯಲ್ಲಿ ಇಂಜಿನೀಯರ್ಗಳಾಗಿ ಕಾರ್ಯ ನಿರ್ವಹಿಸುತ್ತಿದ್ದರು. ಎಲ್ಲರೂ ಅವಿವಾಹಿತರಾಗಿದ್ದು ಅತಿಯಾದ ವೇಗ, ಹೆಲ್ಮೆಟ್ ಬಳಸಿದಿರುವುದು ಹಾಗೂ ತ್ರಿಬಲ್ ರೈಡಿಂಗ್ ಈ ದುರ್ಘಟನೆಗೆ ಪ್ರಮುಖ ಕಾರಣ ಅನ್ನೋದು ಪೊಲೀಸರ ಪರಿಶೀಲನೆಯಿಂದ ಗೊತ್ತಾಗಿದೆ.