ಬೆಂಗಳೂರು :ಕುಖ್ಯಾತ ಸೈಕೋ ಕಿಲ್ಲರ್ ರಾಜೇಂದ್ರ ಅಲಿಯಾಸ್ ಬೆಂಕಿ ರಾಜನ ವಿರುದ್ಧಕೆ.ಎಸ್ ಲೇಔಟ್ ಪೊಲೀಸರು ನ್ಯಾಯಾಲಯಕ್ಕೆ ಚಾರ್ಜ್‌ಶೀಟ್ ಸಲ್ಲಿಸಿದ್ದಾರೆ.
ಬೆಂಕಿ ರಾಜ ಅಂದ್ರೆ, ಸಿಲಿಕಾನ್ ಸಿಟಿ ಜನರಲ್ಲಿ ವಿಲಕ್ಷಣ ಭಯ ಮನೆಮಾಡಿತ್ತು. ಯಾಕಂದ್ರೆ ಈತ ಅಂಥ ಪಾಶವೀ ಮನಸ್ಥಿತಿಯ ವ್ಯಕ್ತಿಯಾಗಿದ್ದ. 10 ರೂಪಾಯಿಗಾಗಿ ಮನುಷ್ಯತ್ವ ಮರೆತು ವ್ಯಕ್ತಿಯನ್ನು ಸಾಯಿಸಿದ ಆರೋಪ ಈತನ ಮೇಲಿದೆ. ಇದೇ ಮಾರ್ಚ್ 24 ರಂದು ಉತ್ತರಹಳ್ಳಿ ರಸ್ತೆಯ ಕರ್ನಾಟಕ ಬ್ಯಾಂಕ್ ಸೆಕ್ಯೂರಿಟಿ ಲಿಂಗಪ್ಪನನ್ನು ಕೊಲೆಗೈದಿದ್ದು, ಈ ಸಂಬಂಧ ಕೆ.ಎಸ್.ಲೇ ಔಟ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಈ ಹಿನ್ನೆಲೆಯಲ್ಲಿ ಈತನನ್ನು ಪೊಲೀಸರು ಬಂಧಿಸಿದ್ದರು.
ಕುಖ್ಯಾತ ಸೈಕೋ ಕಿಲ್ಲರ್ ವಿರುದ್ಧ ಚಾರ್ಜ್ ಶೀಟ್ ಸಲ್ಲಿಕೆ