ಹಾಸನ ಮೂಲದ 7 ವರ್ಷದ ಬಾಲಕನಿಗೆ ತಗುಲಿದ ಬ್ಲ್ಯಾಕ್ ಫಂಗಸ್

ಹಾಸನ ಮೂಲದ 7 ವರ್ಷದ ಕೊರೊನಾ ಸೋಂಕಿತ ಬಾಲಕನಿಗೆ ಬ್ಲ್ಯಾಕ್ ಫಂಗಸ್ ತಗುಲಿ ಆತಂಕ ಸೃಷ್ಟಿಸಿದೆ. ಬೆಂಗಳೂರಿನ ವಿಕ್ಟೋರಿಯಾ ಆಸ್ಪತ್ರೆಯಲ್ಲಿ ಬಾಲಕನಿಗೆ ಚಿಕಿತ್ಸೆ ನೀಡಲಾಗುತ್ತಿದೆ.

ಬೆಂಗಳೂರು:ರಾಜ್ಯದಲ್ಲಿ ಬ್ಲ್ಯಾಕ್ ಫಂಗಸ್ ಸದ್ದು ಮಾಡುತ್ತಿದ್ದು, ಹಾಸನ ಮೂಲದ ಏಳು ವರ್ಷದ ಬಾಲಕನಿಗೆ ಕಪ್ಪು ಮಾರಿ ವಕ್ಕರಿಸಿದ್ದರಿಂದ ನಗರದ ವಿಕ್ಟೋರಿಯಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ಈ ಹಿಂದೆ ಬಳ್ಳಾರಿಯ 13 ವರ್ಷದ ಬಾಲಕಿಗೆ ಹಾಗೂ ಚಿತ್ರದುರ್ಗದ 11 ವರ್ಷದ‌ ಬಾಲಕನಿಗೆ ಬ್ಲ್ಯಾಕ್ ಫಂಗಸ್ ಕಾಣಿಸಿಕೊಂಡಿತ್ತು.‌ ಮೊದಲು ಬಾಲಕನ ತಾಯಿಗೆ ಕೊರೊನಾ ಸೋಂಕು ದೃಢಪಟ್ಟಿದ್ದು ಬಳಿಕ ಮಗನಿಗೂ ಹರಡಿದೆ.

ಈ ವೇಳೆ ಬ್ಲ್ಯಾಕ್ ಫಂಗಸ್ ಸಹ ಪತ್ತೆಯಾಗಿದೆ. ಈಗಲೂ ಕೊರೊನಾ ಪಾಸಿಟಿವ್ ಇದ್ದು, ಕೊರೊನಾ ವಾರ್ಡ್​ನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಮಗುವಿಗೆ ಕಣ್ಣಿನ ಭಾಗಕ್ಕೆ ಕಪ್ಪು ಮಾರಿ ವ್ಯಾಪಿಸಿದೆ ಎಂಬ ಮಾಹಿತಿಯನ್ನು ವೈದ್ಯರು ನೀಡಿದ್ದಾರೆ.