ಆನೇಕಲ್:ಜೊತೆಯಲ್ಲಿ ಸಾಗುತ್ತಿದ್ದ ಎರಡು ವಾಹನಗಳ ತಿಕ್ಕಾಟದ ವೇಳೆ ನಿಯಂತ್ರಣ ತಪ್ಪಿದ ಬಿಎಂಟಿಸಿ ಬಸ್ ರಸ್ತೆ ಬದಿಯ ಕಾಂಪೌಂಡ್ ಏರಿದ ಘಟನೆ ಗೆಸ್ಟ್‌ಲೈನ್ ಕೈಗಾರಿಕಾ ಪ್ರದೇಶದ ಬಳಿ ನಡೆದಿದೆ.
ಕಾಂಪೌಂಡ್ ಏರಿದ ವೋಲ್ವೋ ಬಸ್
ಕಾಂಪೌಂಡ್ ಏರಿದ ವೋಲ್ವೋ ಬಸ್: ಬೆಂಗಳೂರಿನಲ್ಲಿ ತಪ್ಪಿದ ಭಾರೀ ಅನಾಹುತ!
ಬೆಂಗಳೂರಿನಲ್ಲಿ ಬಿಎಂಟಿಸಿ ಬಸ್ ಏಕಾಏಕಿಯಾಗಿ ಕಾಂಪೌಂಡ್ ಹತ್ತಿರುವ ಘಟನೆ ನಡೆದಿದ್ದು, ಬಸ್ನಲ್ಲಿದ್ದವರಿಗೆ ಸಣ್ಣ-ಪುಟ್ಟ ಗಾಯಗಳಾಗಿವೆ.
ಕಾಂಪೌಂಡ್ ಏರಿದ ವೋಲ್ವೋ ಬಸ್
ಬೆಂಗಳೂರಿನ ಕೆಂಪೇಗೌಡ ಬಸ್ ನಿಲ್ದಾಣದಿಂದ ಬರುತ್ತಿದ್ದ ಬಿಎಂಟಿಸಿ ವೊಲ್ವೋ ಬಸ್ ಬೆಂಗಳೂರು-ಅತ್ತಿಬೆಲೆ ಹೆದ್ದಾರಿಯ ಗೆಸ್ಟ್‌ಲೈನ್ ಬಳಿಯಲ್ಲಿ ಸಾಗುತ್ತಿತ್ತು. ಇದೇ ವೇಳೆ ಟ್ಯಾಂಕರ್ ಸಮವೇಗದಲ್ಲಿ ಬಸ್ ಬಲಗಡೆಯ ಪಕ್ಕದಲ್ಲೇ ಸಂಚರಿಸುತ್ತಿತ್ತು. ಈ ವೇಳೆ ಕ್ಷಣಾರ್ಧದಲ್ಲಿ ಟ್ಯಾಂಕರ್ ಬಸ್ನ್ನು ಹಿಂದಿಕ್ಕಿ ಬಲಕ್ಕೆ ತಿರುಗಿದ್ದು, ಮುಖ್ಯರಸ್ತೆಯಲ್ಲಿದ್ದ ವೋಲ್ವೋ ಬಸ್ ಸರ್ವೀಸ್ ರಸ್ತೆಗೆ ಚಲಿಸಿ ನಂತರ ರಸ್ತೆಯ ಪಕ್ಕದ ತಡೆಗೋಡೆ ಮೇಲೆ ಹಾರಿದೆ.
ಕೂಡಲೇ ಅತ್ತಿಬೆಲೆ ಪೊಲೀಸರು ಘಟನಾಸ್ಥಕ್ಕಾಗಮಿಸಿದ್ದಾರೆ. ಘಟನೆಯಲ್ಲಿ ಐವರು ಪ್ರಯಾಣಿಕರು ಸೇರಿ ಚಾಲಕ ನಿರ್ವಾಹಕರಿಗೆ ಸಣ್ಣ-ಪುಟ್ಟ ಗಾಯಗಳಾಗಿವೆ. ಗಾಯಾಳುಗಳನ್ನು ತಕ್ಷಣವೇ ಖಾಸಗಿ ಆಸ್ಪತ್ರೆಗೆ ಚಿಕಿತ್ಸೆಗೆ ದಾಖಲಿಸಿದ್ದಾರೆ. ಘಟನೆಯಿಂದ ಕೆಲಹೊತ್ತು ಸಂಚಾರ ಅಸ್ತವ್ಯಸ್ಥಗೊಂಡಿತ್ತು. ಟ್ರಾಫಿಕ್ ಪೊಲೀಸರು ಸುಗಮ ಸಂಚಾರಕ್ಕೆ ಅನುವು ಮಾಡಿಕೊಟ್ಟರು. ಟ್ಯಾಂಕರ್ ಚಾಲಕನನ್ನು ವಶಕ್ಕೆ ಪಡೆದಿರುವ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.