ಕೆಎಸ್​​​ಆರ್​​ಟಿಸಿಯಲ್ಲಿ ‌12 ಗಂಟೆಗಳಲ್ಲಿ 50 ಸಾವಿರಕ್ಕೂ ಅಧಿಕ ಪ್ರಯಾಣಿಕರ ಓಡಾಟ

ರಾಜ್ಯಾದ್ಯಂತ ಇಂದು 1,606 ಕೆಎಸ್​​ಆರ್​​ಟಿಸಿ ಬಸ್​ಗಳು ಸಂಚಾರ ಮಾಡಿದ್ದು, ಬೆಳಿಗ್ಗೆ 7 ರಿಂದ ಸಂಜೆ 7 ರ ವರೆಗೆ 53,506 ಜನ ಪ್ರಯಾಣಿಸಿದ್ದಾರೆ.

ಬೆಂಗಳೂರು:ಲಾಕ್​​ಡೌನ್ ಸಡಿಲಿಕೆ ನಂತರ ಸಾರ್ವಜನಿಕರ ಅನುಕೂಲಕ್ಕಾಗಿ ಸಾರಿಗೆ ಸೇವೆ ಶುರು ಮಾಡಲಾಗಿದೆ. ರಾಜ್ಯಾದ್ಯಂತ ಇಂದು 1,606 ಕೆಎಸ್​​ಆರ್​​ಟಿಸಿ ಬಸ್​ಗಳು ಸಂಚರಿಸಿದ್ದು, ಬೆಳಿಗ್ಗೆ 7 ರಿಂದ ಸಂಜೆ 7 ಗಂಟೆ ವರೆಗೆ 53,506 ಪ್ರಯಾಣಿಕರು ಪ್ರಯಾಣಿಸಿದ್ದಾರೆ.

ಕೆಎಸ್​​​ಆರ್​​ಟಿಸಿಯಲ್ಲಿ ‌ 53,506 ಪ್ರಯಾಣಿಕರ ಓಡಾಟ

ಬೆಂಗಳೂರಿನಿಂದ 231 ಬಸ್​​ಗಳು ರಾಜ್ಯದ ವಿವಿಧ ಭಾಗಗಳಿಗೆ ಸಂಚಾರ ಮಾಡಿವೆ. ಬೆಂಗಳೂರಿನಿಂದ 6,000 ಪ್ರಯಾಣಿಕರು, ದಾವಣಗೆರೆ, ಮೈಸೂರು, ಬಳ್ಳಾರಿ, ರಾಯಚೂರು, ಹೊಸಪೇಟೆ ಹಾಗೂ ಕಲಬುರಗಿ, ಮಡಿಕೇರಿ, ಚಿಕ್ಕಮಗಳೂರು, ಮಂಗಳೂರು ಸೇರಿದಂತೆ ಹುಬ್ಬಳ್ಳಿ, ಶಿರಸಿ ,ಬೆಳಗಾವಿ, ಶಿವಮೊಗ್ಗ, ಬಾಗಲಕೋಟೆಗೆ ಪ್ರಯಾಣಿಸಿದ್ದಾರೆ. ಇನ್ನು ನಿನ್ನೆ ಆನ್​​ಲೈನ್ ಮೂಲಕ 1,992 ಜನ ಮುಂಗಡ ಟಿಕೆಟ್​​ ಕಾಯ್ದಿರಿಸಿದ್ದರು.

ಕೆಎಸ್​​​ಆರ್​​ಟಿಸಿಯಲ್ಲಿ ‌ 53,506 ಪ್ರಯಾಣಿಕರ ಓಡಾಟ

ನಾಳೆ ಕೊನೆ ಬಸ್​​​ ಸಂಜೆ 7 ಕ್ಕೆ ಬೆಂಗಳೂರಿನಿಂದ ನಿರ್ಗಮನ:

ಪ್ರಯಾಣಿಕರ ಅನುಕೂಲಕ್ಕಾಗಿ ನಾಳೆ ಬಸ್​​​ಗಳ ಕಾರ್ಯಾಚರಣೆಯ ಸಮಯವನ್ನು ಸಂಜೆ 7 ಗಂಟೆಯವರೆಗೆ ವಿಸ್ತರಿಸಲಾಗಿದೆ. ಅಂದರೆ ಕೊನೆಯ ಬಸ್​​ ಸಂಜೆ 7 ಗಂಟೆಗೆ ಬೆಂಗಳೂರು‌ ಬಿಡಲಿದೆ‌‌. ಉದಾಹರಣೆಗೆ ಕಲಬುರಗಿ, ಬೀದರ್​​ಗೆ ನಾಳೆ ಸಂಜೆ 7 ಕ್ಕೆ ಬೆಂಗಳೂರಿನಿಂದ ಬಸ್​​ ಹೊರಟು, ನಾಡಿದ್ದು ಬೆಳಿಗ್ಗೆ ಕಲುಬುರಗಿ, ಬೀದರ್​​ ತಲುಪುತ್ತದೆ. ಇದೇ ಮಾದರಿಯ ಬಸ್​​​ಗಳ ಕಾರ್ಯಾಚರಣೆಯನ್ನು ಮುಂದಿನ‌ ಆದೇಶದವರೆಗೂ ಮುಂದುವರೆಸಲಾಗುವುದು.