ರಾಜ್ಯದಲ್ಲಿ ಮುಂದುವರಿದ ಕೊರೊನಾ ರಣಕೇಕೆ.. ಇಂದು 44,631 ಮಂದಿಗೆ ಸೋಂಕು ದೃಢ, 292 ಸೋಂಕಿತರು ಬಲಿ

19:58 May 04

ರಾಜ್ಯದಲ್ಲಿ ಕೊರೊನಾ ತನ್ನ ರೌದ್ರಾವತಾರ ಮುಂದುವರಿಸಿದೆ. ಇಂದು 292 ಸೋಂಕಿತರನ್ನು ಬಲಿ ತೆಗೆದುಕೊಂಡಿದ್ದರೆ, 44,631 ಮಂದಿಯಲ್ಲಿ ಕೋವಿಡ್​ ಮಹಾಮಾರಿ ಕಾಣಿಸಿಕೊಂಡಿದೆ.

ಬೆಂಗಳೂರು:ರಾಜ್ಯದಲ್ಲಿಂದು 44,631 ಮಂದಿಗೆ ಸೋಂಕು ದೃಢಪಟ್ಟಿದ್ದು, ಈ ಮೂಲಕ ಸೋಂಕಿತರ ಸಂಖ್ಯೆ 16,90,934 ಕ್ಕೆ ಏರಿಕೆ ಆಗಿದೆ.

ಇತ್ತ ಮಹಾಮಾರಿ ಕೋವಿಡ್​ಗೆ ಇಂದು 292 ಸೋಂಕಿತರು ಮೃತಪಟ್ಟಿದ್ದು, ಈ ಮೂಲಕ ಸಾವಿನ ಸಂಖ್ಯೆ 16,538 ಕ್ಕೆ ಏರಿದೆ. 24,714 ಮಂದಿ ಗುಣಮುಖರಾಗಿದ್ದು, ಈ ತನಕ 12,10,013 ಮಂದಿ ಡಿಸ್ಚಾರ್ಜ್ ಆಗಿದ್ದಾರೆ. ಸದ್ಯ ಸಕ್ರಿಯ ಪ್ರಕರಣಗಳು 4,64,363 ಕ್ಕೆ ಏರಿದೆ. ರಾಜ್ಯದಲ್ಲಿ ಸೋಂಕಿತರ ಪ್ರಕರಣಗಳ ಶೇಕಡವಾರು 29.03% ರಷ್ಟು ಇದ್ದು, ಸಾವಿನ‌ ಶೇಕಡವಾರು ಪ್ರಮಾಣ 0.65% ರಷ್ಟು‌ ಇದೆ.‌