ಕೆಎಸ್​ಆರ್​ದಿಂದ ಕೆಂಪೇಗೌಡ ವಿಮಾನ ನಿಲ್ದಾಣಕ್ಕೆ 3 ಜೋಡಿ ರೈಲು

ಕೆಎಸ್​ಆರ್​ನಿಂದ ಕೆಂಪೇಗೌಡ ವಿಮಾನ ನಿಲ್ದಾಣಕ್ಕೆ ಮೂರು ಜೋಡಿ ರೈಲುಗಳ ಸಂಚಾರಕ್ಕೆ ಯೋಜನೆ ರೂಪಿಸಲಾಗಿದೆ. ಇದರಿಂದ ಕೇವಲ 50 ನಿಮಿಷದೊಳಗೆ ಮೆಜೆಸ್ಟಿಕ್ ರೈಲ್ವೆ ನಿಲ್ದಾಣದಿಂದ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ತಲುಪಲಿದೆ. ಮೆಜೆಸ್ಟಿಕ್ ನ ಕ್ರಾಂತಿ ವೀರ ಸಂಗೊಳ್ಳಿ ರಾಯಣ್ಣ ರೈಲು ನಿಲ್ದಾಣದಿಂದ ಹಾಲ್ಟ್ ರೈಲು ನಿಲ್ದಾಣಕ್ಕೆ ಅಂದಾಜು 40 ನಿಮಿಷದೊಳಗೆ ತಲುಪಬಹುದು.

ಬೆಂಗಳೂರು: ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ತೆರಳುವ ಪ್ರಯಾಣಿಕರಿಗಾಗಿ ನೈರುತ್ಯ ರೈಲ್ವೆ ವಿಭಾಗವೂ ಮೂರು ಜೋಡಿ ರೈಲುಗಳ ಕಾರ್ಯಾಚರಣೆ ಮಾಡಲು ಯೋಜನೆ ರೂಪಿಸಿದೆ.

ಪ್ರಯಾಣಿಕರ ದಟ್ಟಣೆಗೆ ಅನುಗುಣವಾಗಿ ಓಡಿಸಲು ಸಮಯವನ್ನ ಪಟ್ಟಿ ಮಾಡಲಾಗುತ್ತಿದೆ. ಇತ್ತ ಕೇವಲ 50 ನಿಮಿಷದೊಳಗೆ ಮೆಜೆಸ್ಟಿಕ್ ರೈಲ್ವೆ ನಿಲ್ದಾಣದಿಂದ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ತಲುಪಲಿದೆ. ಮೆಜೆಸ್ಟಿಕ್ ನ ಕ್ರಾಂತಿ ವೀರ ಸಂಗೊಳ್ಳಿ ರಾಯಣ್ಣ ರೈಲು ನಿಲ್ದಾಣದಿಂದ ಹಾಲ್ಟ್ ರೈಲು ನಿಲ್ದಾಣಕ್ಕೆ ಅಂದಾಜು 40 ನಿಮಿಷದೊಳಗೆ ತಲುಪಬಹುದು. ಅಲ್ಲಿಂದ ಶೆಟಲ್ ಬಸ್ ಮೂಲಕ 15 ನಿಮಿಷದೊಳಗೆ ವಿಮಾನ ನಿಲ್ದಾಣಕ್ಕೆ ತಲುಬಹುದು. ನೈರುತ್ಯ ರೈಲ್ವೆ ಹಾಗೂ ಬಿಐಎಎಲ್ ಸಹಯೋಗದೊಂದಿಗೆ ಸುಮಾರು 3 ಕೋಟಿ ರೂ. ವೆಚ್ಚದಲ್ಲಿ ಹೆಚ್ಚು ಹಾಲ್ಟ್ ರೈಲು ನಿಲ್ದಾಣ ನಿರ್ಮಿಸಿದೆ.

ಎರಡು ಮಾರ್ಗದ ನಡುವೆ ನಾಲ್ಕು ಜೋಡಿ ರೈಲುಗಳ ಸಂಚಾರಕ್ಕೆ ಅನುಮತಿ ನೀಡಲಾಗಿತ್ತು.‌ ಇದರ ಜೊತೆಗೆ ಹೆಚ್ಚುವರಿಯಾಗಿ ಮೂರು ಜೋಡಿ ರೈಲುಗಳ ಸಂಚಾರಕ್ಕೆ ಅನುಮತಿ ನೀಡಲಾಗಿದೆ. ಹಾಗೇ ಸಂಗೊಳ್ಳಿ ರೈಲ್ವೆ ನಿಲ್ದಾಣದಿಂದ ವಿಮಾನ ನಿಲ್ದಾಣಕ್ಕೆ 30 ರೂಪಾಯಿ ದರ ಹಾಗೂ ಯಲಹಂಕದಿಂದ,10 ರೂ. ಟಿಕೆಟ್ ನಲ್ಲೇ ತಲುಪಲು ಸಾಧ್ಯವಾಗುತ್ತದೆ.