ದೊಡ್ಡಬಳ್ಳಾಪುರ: ಒಂದೇ ಬಸ್ನಲ್ಲಿ ಎರಡು ಬಸ್ಸಿನಷ್ಟು ವಿದ್ಯಾರ್ಥಿಗಳನ್ನು ತುಂಬಿದ್ದರಿಂದ ಆಕ್ರೋಶಗೊಂಡ ವಿದ್ಯಾರ್ಥಿಗಳು ದಾರಿ ಮಧ್ಯೆಯೇ ಬಸ್ ನಿಲ್ಲಿಸಿ ಮತ್ತೊಂದು ಬಸ್ಸಿಗಾಗಿ ಹಠ ಹಿಡಿದ ಘಟನೆ ತಾಲೂಕಿನ ಸಾಸಲು ಹೋಬಳಿಯಲ್ಲಿ ನಡೆದಿದೆ.
ದಾರಿ ಮಧ್ಯೆಯೇ ಬಸ್ ತಡೆಹಿಡಿದಿರುವ ವಿದ್ಯಾರ್ಥಿಗಳು
ದೊಡ್ಡಬಳ್ಳಾಪುರ ನಗರಕ್ಕೆ ಸಾಸಲು ಹೋಬಳಿಯಿಂದ ಪ್ರತಿದಿನ ನೂರಾರು ವಿದ್ಯಾರ್ಥಿಗಳು ವಿದ್ಯಾಭ್ಯಾಸಕ್ಕೆ ತೆರಳುತ್ತಾರೆ. ಆದರೆ ಸಾಸಲು ಭಾಗದಿಂದ ನಗರಕ್ಕೆ ಬಂದು ಹೋಗಲು ಅಸರೆಯಾಗಿರೋದು ಸರ್ಕಾರಿ ಬಸ್ ಮಾತ್ರ. ಕೇವಲ ಎರಡು ಬಸ್ಗಳು ಮಾತ್ರ ಬೆಳಗ್ಗೆ ಮತ್ತು ಸಂಜೆ ಈ ಮಾರ್ಗದಲ್ಲಿ ಸಂಚರಿಸುತ್ತವೆ.