ರಿವರ್ಸ್ ತೆಗೆದುಕೊಳ್ಳುವಾಗ ಅಂಗಡಿಗೆ ಗುದ್ದಿದ ಕಂಟೈನರ್ ಲಾರಿ

ಕಂಟೈನರ್ ಲಾರಿಯೊಂದು ಸರ್ಕಲ್ ಕಿರುದಾಗಿದ್ದರಿಂದ ತಿರುವು ತೆಗೆದುಕೊಳ್ಳುವಾಗ ರಿವರ್ಸ್ ಅಂಗಡಿಗೆ ಗುದ್ದಿದೆ. ಚರಂಡಿಯಲ್ಲಿ ಕಂಟೈನರ್​ ಚಕ್ರ ಸಿಲುಕಿ ಪಕ್ಕದಲ್ಲಿನ ಅಂಗಡಿಗೆ ಗುದ್ದಿದ್ದು, ಅಂಗಡಿ ಜಖಂಗೊಂಡಿದೆ. ದೊಡ್ಡಬಳ್ಳಾಪುರದಲ್ಲಿ ಈ ಘಟನೆ ನಡೆದಿದೆ.

ದೊಡ್ಡಬಳ್ಳಾಪುರ:ಭಾರಿ ಗಾತ್ರದ ಕಂಟೈನರ್ ಲಾರಿಯೊಂದು ನಗರದೊಳಗೆ ಬಂದು ತಿರುವು ತೆಗೆದುಕೊಳ್ಳಲಾಗದೆ ಕೆಲಕಾಲ ಆತಂಕ ಸೃಷ್ಟಿಸಿತ್ತು.

ದೊಡ್ಡಬಳ್ಳಾಪುರದ ಟೆಲಿಫೋನ್ ಸರ್ಕಲ್​​ನಲ್ಲಿ ಈ ಅವಘಡ ಸಂಭವಿಸಿದೆ. ತುಮಕೂರು ಕಡೆಯಿಂದ ಬಂದ ಕಂಟೈನರ್ ಲಾರಿ ನೆಲಮಂಗಲ ಕಡೆಗೆ ತಿರುವು ತೆಗೆದುಕೊಳ್ಳಲು ಮುಂದಾಗಿತ್ತು. ಆದರೆ ಲಾರಿ ಉದ್ದವಾಗಿದ್ದು, ಸರ್ಕಲ್ ಕಿರುದಾಗಿದ್ದರಿಂದ ರಿವರ್ಸ್ ತೆಗೆದುಕೊಳ್ಳಲು ಹೋಗಿ ಚರಂಡಿಯಲ್ಲಿ ಚಕ್ರ ಸಿಲುಕಿತ್ತು. ಆಗ ಪಕ್ಕದಲ್ಲಿನ ಅಂಗಡಿಗೆ ಗುದ್ದಿದ್ದರಿಂದ ಅಂಗಡಿ ಜಖಂಗೊಂಡಿದೆ.

ಇದೇ ಸ್ಥಳದಲ್ಲಿ ವಿದ್ಯುತ್ ಕಂಬವಿದ್ದು, ಲಾರಿ ಏನಾದರು ಕಂಬಕ್ಕೆ ಡಿಕ್ಕಿ ಹೊಡೆದಿದ್ದರೆ ಭಾರಿ ಅನಾಹುತವೇ ಸಂಭವಿಸುತ್ತಿತ್ತು. ಸರ್ಕಲ್​​ನಲ್ಲಿ ಸಿಲುಕಿದ್ದ ಕಂಟೈನರ್ ಲಾರಿಯಿಂದ ಕೆಲಕಾಲ ರಸ್ತೆ ಬಂದ್​​ ಆಗಿತ್ತು. ನಂತರ ಸ್ಥಳಕ್ಕೆ ಜೆಸಿಬಿ ತರಿಸಿ ಚರಂಡಿಯಲ್ಲಿ ಸಿಲುಕಿದ್ದ ಲಾರಿಯನ್ನು ಎತ್ತಿ, ಅದು ತೆರಳಲು ಅನುವು ಮಾಡಿಕೊಡಲಾಯಿತು.