ಹೈದರಾಬಾದ್:ಪ್ರದೀಪ್ ನರ್ವಾಲ್ಭಾರತದ ಕಬಡ್ಡಿಯಲ್ಲಿ 'ರೈಡ್ ಮಷಿನ್' ಎಂದೇ ಖ್ಯಾತಿಗಳಿಸಿರುವ ಆಟಗಾರ. ಇದೀಗ ಪ್ರೋ ಕಬಡ್ಡಿ ಲೀಗ್ನಲ್ಲಿ ಅವರು ಹೊಸ ದಾಖಲೆ ಮಾಡಿದ್ದು ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.
ಇಂದೋರ್‌ನ ನೇತಾಜಿ ಸುಭಾಷ್ ಚಂದ್ರ ಬೋಸ್ ಸ್ಟೇಡಿಯಂನಲ್ಲಿ ತಮಿಳ್ ತಲೈವಾಸ್ ವಿರುದ್ಧ ನಡೆದ ಪಂದ್ಯದಲ್ಲಿ 26 ಅಂಕ ಗಳಿಸಿದ ಪಾಟ್ನಾ ಪೈರೇಟ್ಸ್ ತಂಡದ ಪ್ರದೀಪ್ ನರ್ವಾಲ್, ಪ್ರೊ ಕಬಡ್ಡಿ ಇತಿಹಾಸದಲ್ಲೇ 1000 ಅಂಕಗಳ ರೈಡ್ ಪಾಯಿಂಟ್ ಪಡೆದ ಮೊದಲ ಪ್ಲೇಯರ್ ಎಂದು ಗುರುತಿಸಿಕೊಂಡರು.
ಇಲ್ಲಿಯವರೆಗೂ 99 ಪಂದ್ಯಗಳನ್ನಾಡಿರುವ ಅವರು ಅತಿಹೆಚ್ಚು ಅಂಕ, ರೈಡ್ ಪಾಯಿಂಟ್, ಯಶಸ್ವಿ ರೈಡ್, ಸೂಪರ್ ರೈಡ್ಗಳಿಕೆ ಮಾಡಿರುವ ದಾಖಲೆ ಹೊಂದಿದ್ದಾರೆ.
ಪ್ರೊ ಕಬಡ್ಡಿಯಲ್ಲಿ ಗರಿಷ್ಠ ಅಂಕ
(ರೈಡ್+ಟ್ಯಾಕಲ್‌)
ಪ್ರದೀಪ್ ನರ್ವಾಲ್ -1023(ಪಂದ್ಯ 99)
ರಾಹುಲ್‌ ಚೌಧರಿ-974(ಪಂದ್ಯ 115)
ದೀಪಕ್‌ ಹೂಡಾ -873(ಪಂದ್ಯ116)
ಅಜಯ್‌ ಠಾಕೂರ್‌ -811(ಪಂದ್ಯ115)
ರೋಹಿತ್‌ ಕುಮಾರ್‌-687(ಪಂದ್ಯ 87)
ಪ್ರಸಕ್ತ ಸಾಲಿನ ಪ್ರೋ ಕಬಡ್ಡಿ ಲೀಗ್ನಲ್ಲಿ ಪಾಟ್ನಾ ಪೈರೇಟ್ಸ್ ತಂಡ 14 ಪಂದ್ಯಗಳ ಪೈಕಿ ಕೇವಲ 4ರಲ್ಲಿ ಗೆಲುವು ದಾಖಲಿಸಿ 25 ಪಾಯಿಂಟ್ ಪಡೆದುಕೊಂಡು ಕೊನೆ ಸ್ಥಾನದಲ್ಲಿದೆ. ಪ್ರದೀಪ್ ಉತ್ತಮವಾಗಿ ಪ್ರದರ್ಶನ ನೀಡುತ್ತಿದ್ದರೂ ತಂಡ ಮಾತ್ರ ಸೋಲು ಕಾಣುತ್ತಿದೆ.