ಐಎಸ್​ಎಲ್​ 2021: ಪೆನಾಲ್ಟಿ ಶೂಟೌಟ್​ನಲ್ಲಿ ಗೋವಾ ಮಣಿಸಿ ಫೈನಲ್​ ಪ್ರವೇಶಿಸಿದ ಮುಂಬೈ ಸಿಟಿ ಎಫ್​ಸಿ

ಮೊದಲ 5 ಅವಕಾಶಗಳಲ್ಲಿ ಎರಡೂ ತಂಡಗಳೂ ತಲಾ ಎರಡು ಗೋಲುಗಳನ್ನು ಬಾರಿಸಿ ಮತ್ತೆ ಟೈ ಸಾಧಿಸಿದ್ದರಿಂದ ಮತ್ತೆ 5 ಅವಕಾಶಗಳನ್ನು ನೀಡಲಾಯಿತು. ಇದರಲ್ಲಿ ಮುಂಬೈ 4 ಗೋಲು ಬಾರಿಸಿದರೆ, ಗೋವಾ 3 ಗೋಲು ಬಾರಿಸಿ, ನಾಲ್ಕನೇ ಅವಕಾಶವನ್ನು ಕೈಚೆಲ್ಲಿದ್ದರಿಂದ ಮುಂಬೈ ತಂಡ 6-5ರಿಂದ ಗೆಲುವು ಸಾಧಿಸಿ ಐಎಸ್​ಎಲ್ ಇತಿಹಾಸದಲ್ಲಿ ಮೊದಲ ಬಾರಿಗೆ ಫೈನಲ್ ಪ್ರವೇಶಿಸಿತು.

ಗೋವಾ: ಮುಂಬೈ ಸಿಟಿ ಎಫ್​ಸಿ ತಂಡ ಎಫ್​ಸಿ ಗೋವಾ ವಿರುದ್ಧದ ಸೆಮಿಫೈನಲ್​ನಲ್ಲಿ ಪೆನಾಲ್ಟಿ ಶೂಟೌಟ್​ನಲ್ಲಿ 6-5 ಗೋಲುಗಳಿಂದ ಮಣಿಸಿ 7ನೇ ಆವೃತ್ತಿಯ ಇಂಡಿಯನ್​ ಸೂಪರ್​ ಲೀಗ್ ಫೈನಲ್​ ಪ್ರವೇಶಿಸಿದೆ.

​ಸೆಮಿಫೈನಲ್​ ಲೆಗ್​ ಒನ್​ನಲ್ಲಿ 2-2 ಗೋಲುಗಳಿಂದ ಸಮಬಲ ಸಾಧಿಸಿದ್ದ ಎರಡೂ ತಂಡಗಳು ಫೈನಲ್ ಪ್ರವೇಶಿಸಲು ಇಂದಿನ ಪಂದ್ಯ ಪ್ರಮುಖವಾಗಿತ್ತು. ಆದರೆ ಈ ಪಂದ್ಯದಲ್ಲಿ ಗೋಲುಗಳಿಸಲು ಎರಡೂ ತಂಡಗಳು ವಿಫಲವಾದವು. ಫೈನಲ್​ಗಾಗಿ ಪೆನಾಲ್ಟಿ ಶೂಟೌಟ್​ ಮೊರೆ ಹೋಗಲಾಯಿತು.

ಮೊದಲ 5 ಅವಕಾಶಗಳಲ್ಲಿ ಎರಡೂ ತಂಡಗಳೂ ತಲಾ ಎರಡು ಗೋಲುಗಳನ್ನು ಬಾರಿಸಿ ಮತ್ತೆ ಟೈ ಸಾಧಿಸಿದ್ದರಿಂದ ಮತ್ತೆ 5 ಅವಕಾಶಗಳನ್ನು ನೀಡಲಾಯಿತು. ಇದರಲ್ಲಿ ಮುಂಬೈ 4 ಗೋಲು ಬಾರಿಸಿದರೆ, ಗೋವಾ 3 ಗೋಲು ಬಾರಿಸಿ, ನಾಲ್ಕನೇ ಅವಕಾಶವನ್ನು ಕೈಚೆಲ್ಲಿದ್ದರಿಂದ ಮುಂಬೈ ತಂಡ 6-5ರಿಂದ ಮುನ್ನಡೆ ಪಡೆದು ಫೈನಲ್ ಪ್ರವೇಶಿಸಿತು.

ಮುಂಬೈ ಸಿಟಿ ಎಫ್‌ಸಿ ಪೆನಾಲ್ಟಿ ಶೂಟೌಟ್​ನಲ್ಲಿ ಗೋಲು ಬಾರಿಸಿದವರು

ಬಾರ್ತಲೋಮೆವ್ ಒಗ್ಬೆಚೆ, ರೇನಿಯರ್ ಫರ್ನಾಂಡಿಸ್, ಅಮೆ ರಾನವಾಡೆ, ಮೌರ್ಟಾಡಾ ಫಾಲ್, ಮಂದರ್ ರಾವ್ ಡೆಸ್ಸಾಯ್, ರೌಲಿನ್ ಬೊರ್ಗೆಸ್.

ಗೋಲು ತಪ್ಪಿಸಿದವರು: ಹರ್ನಾನ್ ಸಂತಾನ, ಹ್ಯೂಗೋ ಬೌಮಸ್, ಅಹ್ಮದ್ ಜಹೌ.

ಎಫ್‌ಸಿ ಗೋವಾ ಪೆನಾಲ್ಟಿ ಶೂಟೌಟ್​ನಲ್ಲಿ ಗೋಲು ಬಾರಿಸಿದವರು

ಇಗೊರ್ ಅಂಗುಲೋ, ಇವಾನ್ ಗೊನ್ಜಾಲೆಜ್, ಇಶಾನ್ ಪಂಡಿತಾ, ಜಾರ್ಜ್ ಒರ್ಟಿಜ್, ಆದಿಲ್ ಖಾನ್.

ತಪ್ಪಿಸಿದವರು:ಎಡು ಬೆಡಿಯಾ, ಬ್ರಾಂಡನ್ ಫರ್ನಾಂಡಿಸ್, ಜೇಮ್ಸ್ ಡೊನಾಚಿ, ಗ್ಲ್ಯಾನ್ ಮಾರ್ಟಿನ್ಸ್