ಬಾಂಬೊಲಿಮ್(ಗೋವಾ): ಭಾರತದ ಬಹುದೊಡ್ಡ ಫುಟ್ಬಾಲ್ ಲೀಗ್ ಆಗಿರುವ ಇಂಡಿಯನ್ ಸೂಪರ್ ಲೀಗ್ ಶುಕ್ರವಾರ ಆರೋಗ್ಯ ಸುರಕ್ಷತೆಯ ಜೊತೆಗೆ ಮುಚ್ಚಿದ ಕ್ರೀಡಾಂಗಣದಲ್ಲಿ ಆರಂಭಗೊಳ್ಳಲಿದೆ. ಇದು ಕೋವಿಡ್ ಲಾಕ್ಡೌನ್ ನಂತರ ದೇಶದಲ್ಲಿ ಆರಂಭವಾಗುತ್ತಿರುವ ಮೊದಲ ಬಹುದೊಡ್ಡ ಟೂರ್ನಮೆಂಟ್ ಆಗಲಿದೆ.
ಜಿಎಮ್ಸಿ ಉದ್ಘಾಟನಾ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಎಟಿಕೆ ಮೋಹನ್ ಬಗಾನ್ ಮತ್ತು ಕೇರಳ ಬ್ಲಾಸ್ಟರ್ಸ್ ಈ ಮಹಾ ಟೂರ್ನಮೆಂಟ್ಗೆ ಚಾಲನೆ ನೀಡಲಿವೆ.
ಆದರೆ, ನವೆಂಬರ್ 27 ರಂದು ಫತೋರ್ಡಾದಲ್ಲಿ ನಡೆಯಲಿರುವ ಎಟಿಕೆ ಮೋಹನ್ ಬಗಾನ್ ಮತ್ತು ಎಸ್ಸಿ ಈಸ್ಟ್ ಬೆಂಗಾಲ್ ನಡುವಿನ ಪಂದ್ಯ ಈ ಋತುವಿನ ಮೊದಲ ಅತಿದೊಡ್ಡ ಸ್ಪರ್ಧೆ ಎಂದು ನಿಸ್ಸಂದೇಹವಾಗಿ ಹೇಳಬಹುದಾಗಿದೆ. ಏಕೆಂದರೆ ಈ ಎರಡು ಹೆವಿವೇಯ್ಟ್‌ ತಂಡಗಳು ಒಂದು ಶತಮಾನದ ಇತಿಹಾಸ ಹೊಂದಿವೆ.
ಐಎಸ್ಎಲ್ ಚಾಂಪಿಯನ್ ಎಟಿಕೆ ಮತ್ತು ಐ - ಲೀಗ್ ಚಾಂಪಿಯನ್ ಮೋಹನ್ ಬಗಾನ್ ಒಂದಾದ ನಂತರ ಇದೇ ಮೊದಲ ಬಾರಿಗೆ ಟೂರ್ನಿಯಲ್ಲಿ ಭಾಗವಹಿಸುತ್ತಿದೆ. ಈ ಫ್ರಾಂಚೈಸಿ ಸ್ಟಾರ್ ಇಂಡಿಯಾ ಡಿಫೆಂಡರ್ ಸಂದೇಶ್ ಜಿಂಗನ್ ಅವರಂತಹ ಕೆಲವು ಗುಣಮಟ್ಟದ ಆಟಗಾರರಲ್ಲಿ ಅವರು ರೀಟೈನ್ ಮಾಡಿಕೊಂಡಿದೆ. ಫಿಜಿಯಾನ್, ರಾಯ್ ಕೃಷ್ಣ ಅಂತಹ ಎದುರಾಳಿ ಡಿಫೆನ್ಸ್ ಹೊಡೆದುರುಳಿಸುವ ಪ್ರಮುಖ ಫಾರ್ವರ್ಡರ್ಗಳನ್ನು ಹೊಂದಿದೆ. ರಾಯ್ ಕಳೆದ ಆವೃತ್ತಿಯಲ್ಲಿ 21 ಪಂದ್ಯಗಳಲ್ಲಿ 15 ಗೋಲುಗಳಿಸಿ ಅಗ್ರಸ್ಥಾನದಲ್ಲಿದ್ದರು. ಅವರೇ ಎಟಿಕೆ ಮೋಹನ್ ಬಗಾನ್ ತಂಡವನ್ನು ಮುನ್ನಡೆಸಲಿದ್ದಾರೆ.