ಢಾಕಾ(ಬಾಂಗ್ಲಾದೇಶ):ಪುರುಷರ ಏಷ್ಯಾಕಪ್ ಮುಕ್ತಾಯದ ಬೆನ್ನಲ್ಲೇ ಇದೀಗ ಮಹಿಳಾ ಏಷ್ಯಾಕಪ್ ಟೂರ್ನಾಮೆಂಟ್ಗೆ ವೇದಿಕೆ ಸಿದ್ಧಗೊಂಡಿದೆ. ಅಕ್ಟೋಬರ್ 1ರಿಂದ ಪಂದ್ಯಗಳು ಶುರುವಾಗಲಿದ್ದು, ಸಾಂಪ್ರದಾಯಿಕ ಎದುರಾಳಿ ತಂಡಗಳಗಾದ ಭಾರತ-ಪಾಕಿಸ್ತಾನ ಅಕ್ಟೋಬರ್ 7ರಂದು ಮುಖಾಮುಖಿಯಾಗಲಿವೆ.
ಉದ್ಘಾಟನಾ ಪಂದ್ಯದಲ್ಲಿ ಆತಿಥೇಯ ಬಾಂಗ್ಲಾದೇಶ-ಥೈಲ್ಯಾಂಡ್ ಕಣಕ್ಕಿಳಿಯಲಿವೆ. ಇದೇ ದಿನ ಭಾರತ-ಶ್ರೀಲಂಕಾ ತಂಡಗಳ ನಡುವಿನ ಪಂದ್ಯ ಸಹ ನಡೆಯಲಿದೆ. ಈ ಟೂರ್ನಾಮೆಂಟ್ನಲ್ಲಿ ಏಳು ತಂಡಗಳು ಮುಖಾಮುಖಿಯಾಗಲಿದ್ದು, ಪ್ರತಿ ತಂಡ ಆರು ಪಂದ್ಯಗಳನ್ನಾಡಲಿದೆ. ಟಾಪ್ 4 ತಂಡಗಳು ಸೆಮಿಫೈನಲ್ಗೆ ಲಗ್ಗೆ ಹಾಕಲಿವೆ.
ಇದನ್ನೂ ಓದಿ:ಇಂಗ್ಲೆಂಡ್ ವಿರುದ್ಧದ T20, ODI ಸರಣಿಗೆ ಭಾರತ ಮಹಿಳಾ ತಂಡ ಪ್ರಕಟ, ಕಿರಣ್ಗೆ ಚೊಚ್ಚಲ ಬುಲಾವ್
ಅಕ್ಟೋಬರ್ 13ರಿಂದ ಸೆಮಿಫೈನಲ್ ಪಂದ್ಯ ನಡೆಯಲಿದ್ದು, 15ರಂದು ಪ್ರಶಸ್ತಿಗೋಸ್ಕರ ಎರಡು ತಂಡಗಳು ಸೆಣಸಾಡಲಿವೆ. ಈ ಸಲದ ಏಷ್ಯಾಕಪ್ ಟಿ20 ಮಾದರಿಯಲ್ಲಿ ನಡೆಯಲಿದೆ. ಈ ಬಾರಿಯ ಟೂರ್ನಾಮೆಂಟ್ನಲ್ಲಿ ಆರು ಸಲ ಚಾಂಪಿಯನ್ ಭಾರತ, ಬಾಂಗ್ಲಾದೇಶ, ಪಾಕಿಸ್ತಾನ, ಶ್ರೀಲಂಕಾ, ಥೈಲ್ಯಾಂಡ್, ಮಲೇಷ್ಯಾ ಮತ್ತು ಯುಎಇ ಭಾಗಿಯಾಗಲಿವೆ. ಟೂರ್ನಾಮೆಂಟ್ನ ವೇಳಾಪಟ್ಟಿಯನ್ನು ಜಯ್ ಶಾ ರಿಲೀಸ್ ಮಾಡಿದ್ದಾರೆ. 2018ರ ಬಳಿಕ ಬಾಂಗ್ಲಾದೇಶ ಏಷ್ಯಾಕಪ್ ಆಯೋಜನೆ ಮಾಡ್ತಿದ್ದು, ಕೋವಿಡ್ ಬಳಿಕ ಟೂರ್ನಾಮೆಂಟ್ ನಡೆದಿಲ್ಲ.
ಟೀಂ ಇಂಡಿಯಾ ಮಹಿಳಾ ತಂಡ:ಹರ್ಮನ್ಪ್ರೀತ್ ಕೌರ್(ಕ್ಯಾಪ್ಟನ್), ಸ್ಮೃತಿ ಮಂದಾನ(ಉ.ನಾಯಕಿ), ದೀಪ್ತಿ ಶರ್ಮಾ, ಶೆಫಾಲಿ ವರ್ಮಾ, ರೋಡ್ರಿಗಸ್, ಮೇಘನಾ, ರಿಚಾ ಘೋಷ್(ವಿ.ಕೀ), ಸ್ನೇಹಾ ರಾಣಾ, ಹೇಮಲತಾ, ಮೇಘನಾ ಸಿಂಗ್, ರೇಣುಕಾ ಠಾಕೂರ್, ಪಿ. ವಸ್ತ್ರಕರ್, ಆರ್. ಗಾಯಕ್ವಾಡ, ರಾಧಾ ಯಾದವ್, ನವಗಿರಿ
ಮೀಸಲು ಆಟಗಾರರು: ತಾನಿಯಾ ಭಾಟಿಯಾ, ಸಿಮ್ರಾನ್
