ಕಾನ್ಪುರ: ಮೊದಲ ಟೆಸ್ಟ್ನ ಮೂರನೇ ಭಾರತೀಯ ಬೌಲರ್ಗಳು ನ್ಯೂಜಿಲ್ಯಾಂಡ್ ತಂಡದ 2 ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಕಿವೀಸ್ ಭೋಜನ ವಿರಾಮಕ್ಕೆ ಮುನ್ನ 197 ರನ್ಗಳಿಸಿದೆ.
ನ್ಯೂಜಿಲ್ಯಾಂಡ್ ಪರ 2ನೇ ದಿನ ಮೊದಲ ವಿಕೆಟ್ಗೆ 129 ರನ್ಗಳಿಸಿ ಅಜೇಯರಾಗುಳಿದಿದ್ದ ವಿಲ್ ಯಂಗ್ ಮತ್ತು ಟಾಮ್ ಲೇಥಮ್ ಇಂದು ಅ ಮೊತ್ತಕ್ಕೆ 22ರನ್ ಸೇರಿಸಿದರು. ಅನುಭವಿ ಸ್ಪಿನ್ನರ್ ಅಶ್ವಿನ್ 214 ಎಸೆತಗಳಲ್ಲಿ 89 ರನ್ಗಳಿಸಿದ್ದ ವಿಲ್ ಯಂಗ್ ವಿಕೆಟ್ ಪಡೆದು ಅತಿಥೇಯರಿಗೆ ಮೊದಲ ಬ್ರೇಕ್ ಒದಗಿಸಿಕೊಟ್ಟರು.
ನಂತರ ಲೇಥಮ್ ಜೊತೆಗೂಡಿದ ನಾಯಕ ಕೇನ್ ವಿಲಿಯಮ್ಸನ್ 2ನೇ ವಿಕೆಟ್ಗೆ 46 ರನ್ ಸೇರಿಸಿದರು. 64 ಎಸೆತಗಳಲ್ಲಿ 18 ರನ್ಗಳಿಸಿದ್ದ ವಿಲಿಯಮ್ಸನ್ರನ್ನು ಉಮೇಶ್ ಯಾದವ್ ಎಲ್ಬಿ ಡಬ್ಲ್ಯೂ ಬಲೆಗೆ ಬೀಳಿಸಿದರು.