ಹೈದರಾಬಾದ್:ಸನ್ರೈಸರ್ಸ್ ಹೈದರಾಬಾದ್ ಫ್ರಾಂಚೈಸಿ ಮಾಲಿಕ ಸಂಸ್ಥೆಯಾಗಿರುವ ಸನ್ ನೆಟ್ವರ್ಕ್ ಭಾರತದಲ್ಲಿ ಕೋವಿಡ್ 19 ಹೋರಾಟಕ್ಕೆ ಬರೋಬ್ಬರಿ 30 ಕೋಟಿ ರೂಪಾಯಿಗಳನ್ನು ದೇಣಿಗೆಯಾಗಿ ನೀಡಿದೆ.
ಭಾರತದಾದ್ಯಂತ ಕೋವಿಡ್ ಎರಡನೇ ಅಲೆಗೆ ಸಾವಿರಾರು ಮಂದಿ ಸಾವನ್ನಪ್ಪುತ್ತಿದ್ದಾರೆ. ನಿತ್ಯ ಲಕ್ಷಾಂತರ ಮಂದಿಗೆ ಕೊರೊನಾ ಸೋಂಕಿಗೆ ತುತ್ತಾಗುತ್ತಿದ್ದಾರೆ. ಆಕ್ಸಿಜನ್ ಕೊರತೆ, ಬೆಡ್ ಕೊರತೆಯಿಂದ ದೇಶದ ಜನತ ತತ್ತರಿಸುತ್ತಿದ್ದಾರೆ. ಈ ಪರಿಸ್ಥಿತಿಯಲ್ಲಿ ಹಲವಾರು ಕ್ರಿಕೆಟಿಗರು, ಎನ್ಜಿಒಗಳು, ಸೆಲೆಬ್ರೆಟಿಗಳು ಕೋವಿಡ್ ತೊಲಗಿಸಲು ಕೈ ಜೋಡಿಸುತ್ತಿದ್ದಾರೆ. ಈ ಹೋರಾಟಕ್ಕೆ ಸನ್ರೈಸರ್ಸ್ ಹೈದರಾಬಾದ್ ತಂಡದ ಮಾಲಿಕ ಸಂಸ್ಥೆಯಾದ ಸನ್ ನೆಟ್ವರ್ಕ್ ಬರೋಬ್ಬರಿ 30 ಕೋಟಿ ರೂಗಳನ್ನು ವ್ಯಯಿಸಲು ನಿರ್ಧರಿಸಿದೆ.