ವಿಶ್ವದ ನಂಬರ್ 1 ಟಿ20 ಬೌಲರ್ ತಬ್ರೈಜ್​ ಶಂಸಿ ರಾಜಸ್ಥಾನ್​ ರಾಯಲ್ಸ್​ಗೆ ಸೇರ್ಪಡೆ

2017ರಲ್ಲಿ ಶಂಸಿ ಇಂಗ್ಲೆಂಡ್​ ವಿರುದ್ಧ ಟಿ20 ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ್ದರು. ಅವರು ಈವರೆಗೆ 39 ಟಿ20 ಪಂದ್ಯಗಳಿಂದ 45 ವಿಕೆಟ್​ ಪಡೆದಿದ್ದಾರೆ. 2016ರ ಆವೃತ್ತಿಯಲ್ಲಿ ರಾಯಲ್​ ಚಾಲೆಂಜರ್ಸ್ ಬೆಂಗಳೂರು ಪರ ಆಡಿದ್ದ ಅವರು 4 ಪಂದ್ಯಗಳಿಂದ ಕೇವಲ 3 ವಿಕೆಟ್ ಪಡೆದಿದ್ದರು. ನಂತರ ಅವರನ್ನು ಯಾವ ಫ್ರಾಂಚೈಸಿಯೂ ಕೊಂಡುಕೊಂಡಿರಲಿಲ್ಲ..

ಮುಂಬೈ :ಯುಎಇಯಲ್ಲಿ ನಡೆಯಲಿರುವ 14ನೇ ಆವೃತ್ತಿಯ 2ನೇ ಹಂತದ ಐಪಿಎಲ್​ಗಾಗಿ ರಾಜಸ್ಥಾನ ರಾಯಲ್ಸ್​ ಆಸ್ಟ್ರೇಲಿಯಾದ ವೇಗಿ ಆ್ಯಂಡ್ರ್ಯೂ ಟೈ ಅವರ ಬದಲಿ ಆಟಗಾರನಾಗಿ ವಿಶ್ವದ ನಂಬರ್ 1 ಟಿ20 ಬೌಲರ್​ ಆಗಿರುವ ದಕ್ಷಿಣ ಆಫ್ರಿಕಾದ ಸ್ಪಿನ್ನರ್​ ತಬ್ರೈಜ್ ಶಂಸಿಯನ್ನು ತಂಡಕ್ಕೆ ಸೇರಿಸಿಕೊಂಡಿದೆ.

ಸೆಪ್ಟೆಂಬರ್​ 19ರಿಂದ 14ನೇ ಆವೃತ್ತಿಯ ಐಪಿಎಲ್ ಯುಎಇನಲ್ಲಿ ಪುನಾರಂಭಗೊಳ್ಳಲಿದೆ. ಟಿ20 ಕ್ರಿಕೆಟ್​ನಲ್ಲಿ ಅದ್ಧೂರಿ ಫಾರ್ಮ್​ನಲ್ಲಿರುವ ದಕ್ಷಿಣ ಆಫ್ರಿಕಾದ ಪ್ರತಿಭಾನ್ವಿತ ಸ್ಪಿನ್ನರ್​ರನ್ನು ತಂಡಕ್ಕೆ ಸೆಳೆಯುವಲ್ಲಿ ರಾಯಲ್ಸ್​ ಯಶಸ್ವಿಯಾಗಿದೆ. ಯುಎಇ ಸ್ಪಿನ್ನರ್​ಗೆ ಹೆಚ್ಚು ನೆರವು ನೀಡುವುದರಿಂದ 31 ವರ್ಷದ ಬೌಲರ್​ರನ್ನು ತಂಡಕ್ಕೆ ಸೆಳೆದುಕೊಂಡಿದೆ.

2017ರಲ್ಲಿ ಶಂಸಿ ಇಂಗ್ಲೆಂಡ್​ ವಿರುದ್ಧ ಟಿ20 ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ್ದರು. ಅವರು ಈವರೆಗೆ 39 ಟಿ20 ಪಂದ್ಯಗಳಿಂದ 45 ವಿಕೆಟ್​ ಪಡೆದಿದ್ದಾರೆ. 2016ರ ಆವೃತ್ತಿಯಲ್ಲಿ ರಾಯಲ್​ ಚಾಲೆಂಜರ್ಸ್ ಬೆಂಗಳೂರು ಪರ ಆಡಿದ್ದ ಅವರು 4 ಪಂದ್ಯಗಳಿಂದ ಕೇವಲ 3 ವಿಕೆಟ್ ಪಡೆದಿದ್ದರು. ನಂತರ ಅವರನ್ನು ಯಾವ ಫ್ರಾಂಚೈಸಿಯೂ ಕೊಂಡುಕೊಂಡಿರಲಿಲ್ಲ.

ಆಸ್ಟ್ರೇಲಿಯಾದ ಟೈ 2021ರ ಐಪಿಎಲ್​ ವೇಳೆ ಕೋವಿಡ್​-19 ಸಾಂಕ್ರಾಮಿಕದ ಸಮಯದಲ್ಲಿ ಐಪಿಎಲ್ ತೊರೆದು ತವರಿಗೆ ಮರಳಿದ ಮೊದಲ ವಿದೇಶಿ ಕ್ರಿಕೆಟಿಗರಾಗಿದ್ದರು.

ಇದನ್ನು ಓದಿ: ಕೇನ್​ ರಿಚರ್ಡ್ಸನ್​ ಬದಲಿಗೆ ಇಂಗ್ಲೆಂಡ್​ನ ವೇಗಿ ಗಾರ್ಟನ್​ಗೆ​ ಗಾಳ ಹಾಕಿದ ಆರ್​ಸಿಬಿ