ಢಾಕಾ:ತನ್ನ 32 ವರ್ಷ ವಯಸ್ಸಿಗೆ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿ ಕೇವಲ ಫ್ರಾಂಚೈಸಿ ಲೀಗ್ನಲ್ಲಿ ಆಡುತ್ತಿರುವ ಶ್ರೀಲಂಕಾ ತಂಡ ಮಾಜಿ ಆಲ್ರೌಂಡರ್ ತಿಸಾರಾ ಪೆರೆರಾ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲೂ ತಮ್ಮ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ.
ಬ್ರೆಟ್ ಲೀ, ಲಸಿತ್ ಮಾಲಿಂಗ ಮತ್ತು ವನಿಡು ಹಸರಂಗ ಜೊತೆಯಲ್ಲಿ ಏಕದಿನ ಮತ್ತು ಟಿ20 ಎರಡರಲ್ಲೂ ಹ್ಯಾಟ್ರಿಕ್ ಸಾಧನೆ ಮಾಡಿರುವ ದಾಖಲೆ ಹೊಂದಿರುವ ಪೆರೆರಾ ಬ್ಯಾಟಿಂಗ್ನಲ್ಲಿ ವೇಗದ ಶತಕ ಸಿಡಿಸಿದ ಶ್ರೀಲಂಕಾದ 3ನೇ ಬ್ಯಾಟರ್ ಎಂಬ ಗೌರವಕ್ಕೂ ಪಾತ್ರರಾಗಿದ್ದಾರೆ. ಟಿ20 ಕ್ರಿಕೆಟ್ನಲ್ಲಿ 312 ಪಂದ್ಯಗಳನ್ನಾಡಿರುವ ಅನುಭವಿ 2022ರ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಆಡುವ ಅಭಿಲಾಷೆ ವ್ಯಕ್ತಪಡಿಸಿದ್ದಾರೆ.
ಖಾಸಗಿ ಚಾನಲ್ಗೆ ನೀಡಿದ ಸಂದರ್ಶನದಲ್ಲಿ 2010ರಲ್ಲಿ ಧೋನಿ ನಾಯಕತ್ವದ ಚೆನ್ನೈ ಸೂಪರ್ ಕಿಂಗ್ಸ್ ತಂಡದಲ್ಲಿ ಆಡಿದ ಅನುಭವವನ್ನು ಮೆಲುಕು ಹಾಕಿದ ಶ್ರೀಲಂಕನ್, ಆ ವರ್ಷ ನಾನು ಸಾಕಷ್ಟು ಆನಂದಿಸಿದ್ದೆ ಎಂದು ತಿಳಿಸಿದ್ದಾರೆ.
ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
ಧೋನಿ ನಾಯಕತ್ವದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಪರ ನಾನು ಆಡಿದ 2010ರ ಐಪಿಎಲ್ ತುಂಬಾ ವಿಶೇಷವಾದದ್ದು, ನಾವು ಆ ವರ್ಷ ಚಾಂಪಿಯನ್ ಆಗಿದ್ದೆವು. ನನ್ನ ಮೊದಲ ಆವೃತ್ತಿಯಾದರೂ ಅದು ನನಗೆ ಅತ್ಯುತ್ತಮ ವರ್ಷವಾಗಿತ್ತು. ನನಗೆ ಅವಾಗ ಕೇವಲ 20-21 ವರ್ಷವಾಗಿತ್ತು, ಚಾಂಪಿಯನ್ ತಂಡದ ಜೊತೆ ನಾನು ಪ್ರೀತಿಸುವ ಆಟ ತುಂಬಾ ಮಜವಾಗಿತ್ತು ಎಂದು ದಶಕದ ನೆನಪನ್ನು ಮೆಲುಕು ಹಾಕಿದರು.
ಐಪಿಎಲ್ ಲೆವೆಲ್ಗೆ ಯಾವುದೇ ಲೀಗ್ ಇಲ್ಲ:ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ 37 ಪಂದ್ಯಗಳನ್ನಾಡಿರುವ ಶ್ರೀಲಂಕಾದ ಆಟಗಾರ, ನಾನು ವಿಶ್ವದಾದ್ಯಂತ ಸಾಕಷ್ಟು ಫ್ರಾಂಚೈಸಿ ಕ್ರಿಕೆಟ್ ಆಡಿದ್ದೇನೆ. ಐಪಿಎಲ್ ಲೆವೆಲ್ಗೆ ಯಾವುದೇ ಒಂದು ಲೀಗ್ ಹೊಂದಿಕೊಳ್ಳುವುದಿಲ್ಲ ಎಂದು ನಾನು ಭಾವಿಸುತ್ತೇನೆ ಎಂದು ಪೆರೆರಾ ತಿಳಿಸಿದ್ದಾರೆ.
50 ಲಕ್ಷ ಮೂಲಬೆಲೆ:ಲಂಕಾ ಪ್ರೀಮಿಯರ್ ಲೀಗ್ನಲ್ಲಿ ನಾಯಕತ್ವ ವಹಿಸಿ ಸತತ 2ನೇ ಬಾರಿ ಜಫ್ನಾ ಕಿಂಗ್ಸ್ ತಂಡಕ್ಕೆ ಪ್ರಶಸ್ತಿ ತಂದುಕೊಟ್ಟಿರುವ ಪರೆರಾ 2022ರ ಮೆಗಾ ಹರಾಜಿನಲ್ಲಿ ಆಲ್ರೌಂಡರ್ ವಿಭಾಗದಲ್ಲಿ ತಮ್ಮ ಹೆಸರು ನೋಂದಾಯಿಸಿಕೊಂಡಿದ್ದು, 50 ಲಕ್ಷ ರೂಪಾಯಿ ಮೂಲಬೆಲೆ ಘೋಷಿಸಿಕೊಂಡಿದ್ದಾರೆ. ಪ್ರಸ್ತುತ ಅತ್ಯುತ್ತಮ ಫಾರ್ಮ್ನಲ್ಲಿರುವ ತಮ್ಮ ಹರಾಜಿನಲ್ಲಿ ಖಂಡಿತ ಯಾವುದಾದರು ಒಂದು ಫ್ರಾಂಚೈಸಿ ಖರೀದಿಸಲಿದೆ ಎಂಬ ವಿಶ್ವಾಸವನ್ನು ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ:IPL Auction 2022: ಫೈನಲ್ ಲಿಸ್ಟ್ನಲ್ಲಿ ಪಶ್ಚಿಮ ಬಂಗಾಳ ಸಚಿವರ ಹೆಸರು!
