ಸಿಡ್ನಿ: ಭಾರತ ತಂಡದ ಸೀಮಿತ ಓವರ್ಗಳ ಸರಣಿ ಹತ್ತಿರ ಬರುತ್ತಿದ್ದು, ಆಸೀಸ್ ಪ್ರವಾಸದಲ್ಲಿರುವ ಭಾರತ ತಂಡ ಕೋವಿಡ್ ಟೆಸ್ಟ್ ಮುಗಿಸಿ ನೆಟ್ಸ್ನಲ್ಲಿ ಅಭ್ಯಾಸ ಆರಂಭಿಸಿದೆ.
ಭಾರತ ತಂಡಕ್ಕೆ ಮೊದಲ ಬಾರಿ ಆಯ್ಕೆಯಾಗಿರುವ ಯಾರ್ಕರ್ ಕಿಂಗ್ ನಟರಾಜನ್ ಬೌಲಿಂಗ್ ಮಾಡುವ ವಿಡಿಯೋವೊಂದನ್ನು ಬಿಸಿಸಿಐ ಶೇರ್ ಮಾಡಿಕೊಂಡಿದ್ದು, ಮೊದಲ ಬಾರಿಗೆ ಭಾರತ ತಂಡಕ್ಕಾಗಿ ಆಡುವ ಕನಸು ನನಸಾದ ಕ್ಷಣ ಎಂದು ಬರೆದುಕೊಂಡಿದೆ. ನಟರಾಜನ್ ಸ್ಪಿನ್ನರ್ ವರುಣ್ ಚಕ್ರವರ್ತಿ ಅವರ ಬದಲಿಗೆ ಭಾರತ ಟಿ20 ತಂಡಕ್ಕೆ ಸೇರ್ಪಡೆಗೊಂಡಿದ್ದಾರೆ.
"2020ರ ಐಪಿಎಲ್ನಲ್ಲಿ ಸಾಕಷ್ಟು ಯಶಸ್ವಿಯಾಗಿದ್ದ ಟಿ ನಟರಾಜನ್ ಭಾರತ ತಂಡಕ್ಕೆ ಆಯ್ಕೆಯಾದ ಮೇಲೆ ಮೊದಲ ಬಾರಿಗೆ ನೆಟ್ಸ್ನಲ್ಲಿ ಬೌಲಿಂಗ್ ಮಾಡುತ್ತಿದ್ದಾರೆ. ಇದು ಅವರ ಭಾರತ ತಂಡದಲ್ಲಿ ಆಡಬೇಕೆಂಬ ಕನಸು ನನಸಾದ ಕ್ಷಣ" ಎಂದು ಬರೆದುಕೊಂಡು ವಿಡಿಯೋ ಟ್ವೀಟ್ ಮಾಡಿದೆ.