ಮುಂಬೈ:ನಿನ್ನೆಯಷ್ಟೆ ಸೈಯದ್ ಮುಷ್ತಾಕ್ ಅಲಿ ಟೂರ್ನಿಯಲ್ಲಿ ಕರ್ನಾಟಕ ತಂಡವನ್ನ ಗೆಲ್ಲಿಸಿ ಇಂದು ತಮಿಳು ನಟಿಯನ್ನ ವರಿಸಿದ ಕನ್ನಡಿಗ ಮನೀಷ್ ಪಾಂಡೆಗೆ ಹಿಟ್ಮ್ಯಾನ್ ಶುಭ ಕೋರಿದ್ದಾರೆ.
ಮುಂಬೈನಲ್ಲಿ ನಡೆದ ವಿವಾಹ ಸಮಾರಂಭದಲ್ಲಿ ಮನೀಷ್ ಪಾಂಡೆ ತಮಿಳು ನಟಿ ಆಶ್ರಿತಾ ಶೆಟ್ಟಿಯನ್ನ ವರಿಸಿದ್ದಾರೆ. ಈ ಮೂಲಕ ಗೃಹಸ್ಥಾಶ್ರಮಕ್ಕೆ ಕಾಲಿಟ್ಟ ಮನೀಷ್ಗೆ ಟೀಂ ಇಂಡಿಯಾ ಆಟಗಾರ ರೋಹಿತ್ ಶರ್ಮಾ ಶುಭಕೋರಿದ್ದಾರೆ.
ಮನೀಷ್ ವಿವಾಹ ಫೋಟೋವನ್ನ ಟ್ವೀಟ್ ಮಾಡಿರುವ ರೋಹಿತ್, 'ಇಬ್ಬರಿಗೂ ಶುಭವಾಗಲಿ, ನನ್ನನ್ನ ನಂಬು ಇದೇ ನಿನ್ನ ಜೀವನದ ಬೆಸ್ಟ್ ಇನ್ನಿಂಗ್ಸ್ ಆಗಲಿದೆ ' ಎಂದು ಪಾಂಡೆಯನ್ನ ಹಾರೈಸಿದ್ದಾರೆ.
ಟೀಂ ಇಂಡಿಯಾದಲ್ಲಿ ಮಧ್ಯಮ ಕ್ರಮಾಂಕದಲ್ಲಿ ಕೆಲ ಪಂದ್ಯಗಳನ್ನು ಆಡಿರುವ ಮನೀಷ್ ಪಾಂಡೆ ಸದ್ಯ ದೇಶೀಯ ಕ್ರಿಕೆಟ್ನಲ್ಲಿ ಮಿಂಚು ಹರಿಸುತ್ತಿದ್ದಾರೆ. ಸೈಯದ್ ಮುಷ್ತಾಕ್ ಅಲಿ ಟೂರ್ನಿ ಗೆಲುವಿನ ಮರುದಿನವೇ ವಿವಾಹ ಮಾಡಿಕೊಂಡಿದ್ದು, ಡಬಲ್ ಸಂಭ್ರಮದಲ್ಲಿದ್ದಾರೆ.