ನವದೆಹಲಿ: ಭಾರತ ತಂಡದ ಸಚಿನ್ ತೆಂಡೂಲ್ಕರ್ ಮತ್ತು ವೆಸ್ಟ್ ಇಂಡೀಸ್ ತಂಡದ ಬ್ರಿಯಾನ್ ಲಾರಾ ನಾನೆದುರಿಸಿದ ಅಥವಾ ನನ್ನ ಜೊತೆ ಆಡಿರುವ ವಿಶ್ವದ ಅತ್ಯುತ್ತಮ ಬ್ಯಾಟ್ಸ್ಮನ್ಗಳು ಎಂದು ಸುಲಭವಾಗಿ ಹೇಳುತ್ತೇನೆ ಎಂದು ಶೇನ್ ವಾರ್ನ್ ತಿಳಿಸಿದ್ದಾರೆ.
" ಸಚಿನ್ ತೆಂಡೂಲ್ಕರ್ ಮತ್ತು ಬ್ರಿಯಾನ್ ಲಾರಾ ನನ್ನ ಪೀಳಿಗೆಯಲ್ಲಿ (1989-2013) ನಾನು ಜೊತೆಯಾಗಿ ಆಡಿದ ಅಥವಾ ವಿರುದ್ಧವಾಗಿ ಆಡಿದ ಅತ್ಯುತ್ತಮ ಬ್ಯಾಟ್ಸ್ಮನ್ಗಳು. ಮೈದಾನದಲ್ಲಿ ನಾವು ಮೂವರು ಹೋರಾಡುವುದು ಮತ್ತು ನಮ್ಮ ಜೊತೆಯಾಗಿ ಆಟವಾಡುವುದು ನಿಮಗೆ ಇಷ್ಟವಾಗಿದೆಯೇ? ಎಂದು ಬರೆದುಕೊಂಡಿರುವ ಶೇನ್ ವಾರ್ನ್ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಮೂವರು ಇರುವ ಫೋಟೋವನ್ನು ಶೇರ್ ಮಾಡಿಕೊಂಡಿದ್ದಾರೆ.
ತೆಂಡೂಲ್ಕರ್ 1989ರಲ್ಲಿ ಪಾಕಿಸ್ತಾನ ವಿರುದ್ಧ 16 ವರ್ಷವಿದ್ದಾಗ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ್ದರು. ನಂತರ ಅತಮ್ಮ 22 ವರ್ಷಗಳ ಸುದೀರ್ಘ ಕೆರಿಯರ್ನಲ್ಲಿ 200 ಟೆಸ್ಟ್ ಹಾಗೂ 463 ಏಕದಿನ ಪಂದ್ಯಗಳನ್ನಾಡಿದ್ದು, 100 ಅಂತಾರಾಷ್ಟ್ರೀಯ ಶತಕ ಸಿಡಿಸಿದ ವಿಶ್ವದಾಖಲೆ ಬರೆದಿದ್ದಾರೆ. ಏಕದಿನ ಕ್ರಿಕೆಟ್ನಲ್ಲಿ 18,426 ರನ್, ಟೆಸ್ಟ್ನಲ್ಲಿ 15,921 ರನ್ ಬಾರಿಸಿ ಗರಿಷ್ಠ ರನ್ ಸರದಾರರಾಗಿದ್ದಾರೆ.