ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಲಂಕಾ ಬೌಲರ್ ಧಮ್ಮಿಕಾ ಪ್ರಸಾದ್ ವಿದಾಯ

ಶ್ರೀಲಂಕಾ ತಂಡದಲ್ಲಿ ಪ್ರಮುಖ ಬೌಲರ್​ ಆಗಿ ಮಿಂಚು ಹರಿಸಿದ್ದ ಧಮ್ಮಿಕಾ ಪ್ರಸಾದ್​ ಇದೀಗ ಕ್ರಿಕೆಟ್​ ವೃತ್ತಿ ಬದುಕಿಗೆ ವಿದಾಯ ಘೋಷಣೆ ಮಾಡಿದ್ದಾರೆ.

ಕೊಲಂಬೊ(ಶ್ರೀಲಂಕಾ): ಶ್ರೀಲಂಕಾ ಕ್ರಿಕೆಟ್​​ನ ಬೌಲರ್​ ಧಮ್ಮಿಕಾ ಪ್ರಸಾದ್​ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ವಿದಾಯ ಘೊಷಣೆ ಮಾಡಿದ್ದು, ಸಿಂಹಳೀಯರ ತಂಡದ ಪರ ಈ ಪ್ಲೇಯರ್​ 75 ವಿಕೆಟ್ ಪಡೆದುಕೊಂಡಿದ್ದಾರೆ.

24 ಏಕದಿನ ಪಂದ್ಯಗಳಿಂದ 32 ವಿಕೆಟ್​ ಪಡೆದುಕೊಂಡಿರುವ ಈ ಪ್ಲೇಯರ್​ 2014ರಲ್ಲಿ ಇಂಗ್ಲೆಂಡ್​ ವಿರುದ್ಧದ ಪಂದ್ಯದ ಟೆಸ್ಟ್​ವೊಂದರಲ್ಲಿ 5 ವಿಕೆಟ್​ ಪಡೆದುಕೊಂಡು ಎಲ್ಲರ ಗಮನ ಸೆಳೆದಿದ್ದರು. 2015ರಲ್ಲಿ ವೆಸ್ಟ್​ ಇಂಡೀಸ್​ ವಿರುದ್ಧ ಕೊನೆ ಕ್ರಿಕೆಟ್​ ಪಂದ್ಯದಲ್ಲಿ ಕಾಣಿಸಿಕೊಂಡಿದ್ದ 37 ವರ್ಷದ ಪ್ರಸಾದ್​ ಇದೀಗ ತಮ್ಮ ಕ್ರಿಕೆಟ್​ ಬದುಕಿಗೆ ವಿದಾಯ ಘೋಷಣೆ ಮಾಡಿದ್ದಾರೆ.25 ಟೆಸ್ಟ್​ ಪಂದ್ಯಗಳಿಂದ 75 ವಿಕೆಟ್​, 24 ಏಕದಿನ ಪಂದ್ಯಗಳಿಂದ 32 ವಿಕೆಟ್​ ಹಾಗೂ ಏಕೈಕ ಟಿ - 20 ಪಂದ್ಯ ಆಡಿ ಯಾವುದೇ ವಿಕೆಟ್ ಪಡೆದುಕೊಂಡಿಲ್ಲ.

ಭುಜದ ನೋವಿಗೊಳಗಾಗುವುದಕ್ಕೂ ಮುಂಚಿತವಾಗಿ ಶ್ರೀಲಂಕಾ ತಂಡದ ಪ್ರಮುಖ ಬೌಲರ್​ ಆಗಿದ್ದ ಈ ಪ್ಲೇಯರ್​ ಪ್ರಥಮ ದರ್ಜೆ ಕ್ರಿಕೆಟ್​ನಲ್ಲಿ ಉತ್ತಮ ಪ್ರದರ್ಶನ ನೀಡಿದ ಹೊರತಾಗಿ ಕೂಡ ತಂಡದಲ್ಲಿ ಅವಕಾಶ ಪಡೆದುಕೊಳ್ಳಲಿಲ್ಲ.