ಕರಾಚಿ:ಪಾಕಿಸ್ತಾನ ಕ್ರಿಕೆಟ್ ತಂಡ ತವರಿನಲ್ಲೇ ಟಿ20 ಸರಣಿ ಸೋತ ಬೆನ್ನಲ್ಲೇ ನಾಯಕತ್ವ ಸ್ಥಾನದಿಂದ ಸರ್ಫರಾಜ್ ಅಹ್ಮದ್ರನ್ನು ತೆಗೆದು ಹಾಕಿದ್ದು, ಪಿಸಿಬಿ ಹೊಸ ನಾಯಕನನ್ನು ಘೋಷಣೆ ಮಾಡಿದೆ.
ಸರ್ಫರಾಜ್ ಅಹ್ಮದ್ರನ್ನು ಟಿ20 ಹಾಗೂ ಟೆಸ್ಟ್ ನಾಯಕತ್ವದಿಂದ ಕೆಳಗಿಳಿಸಲಾಗಿದ್ದು, ಬಾಬರ್ ಅಜಮ್ ಹಾಗೂ ಅಜರ್ ಅಲಿಯನ್ನು ಕ್ರಮವಾಗಿ ಟಿ20 ಹಾಗೂ ಟೆಸ್ಟ್ ತಂಡಕ್ಕೆ ನಾಯಕರನ್ನಾಗಿ ಹೆಸರಿಸಲಾಗಿದೆ.
ಟೆಸ್ಟ್ ತಂಡದ ನೂತನ ನಾಯಕ ಅಜರ್ ಅಲಿ
ನವೆಂಬರ್ 21ರಿಂದ ಆಸ್ಟ್ರೇಲಿಯಾ ವಿರುದ್ಧ ಕಾಂಗರೂ ನಾಡಿನಲ್ಲಿ ಟೆಸ್ಟ್ ನಡೆಯಲಿದ್ದು, ಸರ್ಫರಾಜ್ರನ್ನು ಈ ಸರಣಿಯಿಂದ ಕೈಬಿಡಲಾಗಿದೆ.
ಟಿ20 ತಂಡದ ನೂತನ ನಾಯಕ ಬಾಬರ್ ಅಜಮ್
ವಿಶ್ವಕಪ್ ಟೂರ್ನಿಯಲ್ಲಿ ಪಾಕಿಸ್ತಾನದ ಕಳಪೆ ಪ್ರದರ್ಶನ ಬಳಿಕ ಸರ್ಫರಾಜ್ ನಾಯಕತ್ವದ ಬಗ್ಗೆ ಭಾರೀ ಟೀಕೆಗಳು ಕೇಳಿಬಂದಿದ್ದವು. ಹೀಗಿದ್ದರೂ ಪಿಸಿಬಿ ಸರ್ಫರಾಜ್ರನ್ನು ನಾಯಕತ್ವದಲ್ಲೇ ಮುಂದುವರೆಸಿತ್ತು.
