ದಾದಾ ಭವಿಷ್ಯ ನಿಜವಾಯ್ತು... ಕ್ರಿಕೆಟ್​ ಗಾಡ್​ ಸಚಿನ್​ಗೆ ಒಲಿದ ಕ್ರೀಡಾ ಆಸ್ಕರ್ ಪ್ರಶಸ್ತಿ

ಸ್ಪೋರ್ಟ್​ ವಿಭಾಗದಲ್ಲಿ 'ಆಸ್ಕರ್​' ಎಂದು ಕರೆಯಲಾಗುವ ಲಾರೆಸ್ ವಿಶ್ವ ಕ್ರೀಡಾ ಪ್ರಶಸ್ತಿಯು 20ನೇ ವರ್ಷಕ್ಕೆ ಕಾಲಿರಿಸಿದೆ. ಕ್ರೀಡಾ ಪ್ರಪಂಚದ ವ್ಯಕ್ತಿಗಳು ಹಾಗೂ ತಂಡಗಳ ಕ್ರೀಡಾ ಸಾಧನೆಯನ್ನು ಗುರುತಿಸಿ ಪ್ರಶಸ್ತಿಗಳನ್ನು ನೀಡಿಕೊಂಡು ಬರಲಾಗುತ್ತಿದೆ. ಕಳೆದೆರಡು ದಶಕಗಳಲ್ಲಿನ ಸ್ಫೂರ್ತಿದಾಯಕ ಆಟವಾಡಿದ ಅತ್ಯುತ್ತಮ ಆಟಗಾರರನ್ನು ಆಯ್ಕೆ ಮಾಡಲಾಗುತ್ತಿದೆ. ಈ ವರ್ಷದ 'ಸ್ಪೋರ್ಟಿಂಗ್ ಮೊಮೆಂಟ್ 2000-2020 ಪ್ರಶಸ್ತಿ'ಯು ಸಚಿನ್ ರಮೇಶ್ ತೆಂಡೂಲ್ಕರ್​ಗೆ ಒಲಿದಿದೆ.

ಬರ್ಲಿನ್‌:ಬರ್ಲಿನ್‌ನಲ್ಲಿ ನಡೆದ ವರ್ಣರಂಜಿತ 'ಲಾರೆಸ್‌ ವಿಶ್ವ ಸ್ಪೋರ್ಟ್ಸ್ ಪ್ರಶಸ್ತಿ'ಗೆ ಕ್ರಿಕೆಟ್​ ದೇವರು ಮಾಸ್ಟರ್​ ಬ್ಲಾಸ್ಟರ್​ ಸಚಿನ್ ತೆಂಡೂಲ್ಕರ್​ ಭಾಜನರಾಗಿದ್ದಾರೆ.

ಸ್ಪೋರ್ಟ್​ ವಿಭಾಗದಲ್ಲಿ 'ಆಸ್ಕರ್​' ಎಂದು ಕರೆಯಲಾಗುವ ಲಾರೆಸ್ ವಿಶ್ವ ಕ್ರೀಡಾ ಪ್ರಶಸ್ತಿಯು 20ನೇ ವರ್ಷಕ್ಕೆ ಕಾಲಿರಿಸಿದೆ. ಕ್ರೀಡಾ ಪ್ರಪಂಚದ ವ್ಯಕ್ತಿಗಳು ಹಾಗೂ ತಂಡಗಳ ಕ್ರೀಡಾ ಸಾಧನೆಯನ್ನು ಗುರುತಿಸಿ ಪ್ರಶಸ್ತಿಗಳನ್ನು ನೀಡಿಕೊಂಡು ಬರಲಾಗುತ್ತಿದೆ. ಕಳೆದೆರಡು ದಶಕಗಳಲ್ಲಿನ ಸ್ಫೂರ್ತಿದಾಯಕ ಆಟವಾಡಿದ ಅತ್ಯುತ್ತಮ ಆಟಗಾರರನ್ನು ಆಯ್ಕೆ ಮಾಡಲಾಗುತ್ತಿದೆ. ಈ ವರ್ಷದ 'ಸ್ಪೋರ್ಟಿಂಗ್ ಮೊಮೆಂಟ್ 2000-2020 ಪ್ರಶಸ್ತಿ'ಯು ಸಚಿನ್ ರಮೇಶ್ ತೆಂಡೂಲ್ಕರ್​ಗೆ ಒಲಿದಿದೆ.

ಲಿಯೋನೆಲ್ ಮೆಸ್ಸಿ ಲೂಯಿಸ್ ಅವರು ರೇಸರ್​ ಹ್ಯಾಮಿಲ್ಟನ್ ಜೊತೆಗೆ ವರ್ಷದ ಲಾರೆಸ್ ವರ್ಲ್ಡ್ ಸ್ಪೋರ್ಟ್​ಮ್ಯಾನ್​ ಪ್ರಶಸ್ತಿ ಗೆದ್ದಿದ್ದಾರೆ. ಲಿಯೋನೆಲ್ ಮೆಸ್ಸಿ ಈ ಪ್ರಶಸ್ತಿ ಗೆದ್ದ ಮೊದಲ ಫುಟ್ಬಾಲ್ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಇದು ಕ್ರೀಡೆಯು ಎಷ್ಟು ಶಕ್ತಿಯುತವಾಗಿದೆ ಮತ್ತು ಇದು ನಮ್ಮೆಲ್ಲರ ಜೀವನಕ್ಕೆ ಯಾವ ಮ್ಯಾಜಿಕ್ ಮಾಡುತ್ತದೆ ಎಂಬುದನ್ನು ನೆನಪಿಸುತ್ತದೆ. ರಾಷ್ಟ್ರಕ್ಕಾಗಿ ದೇವರು. ವಿಶ್ವಾದ್ಯಂತ ಸ್ಫೂರ್ತಿ ಎಂದು ಸಚಿನ್​ ಕುರಿತು ಲಾರೆಸ್‌ ಟ್ವೀಟ್ ಮಾಡಿದೆ.

ನಿಜವಾಯ್ತು ಗೆಳೆಯ ಗಂಗೂಲಿ ಭವಿಷ್ಯ:

ಸಚಿನ್ ಅವರು ಜರ್ಮನಿಯ ಬರ್ಲಿನ್​ನಲ್ಲಿ ಸುತ್ತಾಡುತ್ತಿರುವ ಕೆಲವೊಂದು ಚಿತ್ರಗಳನ್ನು ತಮ್ಮ ಸೋಷಿಯಲ್ ಮೀಡಿಯಾ ಖಾತೆಯಲ್ಲಿ ಹಂಚಿಕೊಂಡಿದ್ದರು. ‘ಲಾರೆಸ್ ಸ್ಪೋರ್ಟ್ ವರ್ಲ್ಡ್ ಸ್ಪೋರ್ಟ್ ಅವಾರ್ಡ್ಸ್ 2020ಗಾಗಿ ಬರ್ಲಿನ್​ನಲ್ಲಿದ್ದೇನೆ, ಖುಷಿಯಾಗುತ್ತಿದೆ’ ಎಂದು ಬರೆದುಕೊಂಡಿದ್ದರು.

ಇದಕ್ಕೆ ಕಮೆಂಟ್ ಮಾಡಿರುವ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಅವರು, ‘ತೆಂಡುಲ್ಕರ್, ನಾನು ಹೇಳಿದ್ದು ಸುಳ್ಳಲ್ಲ’ ಎಂದು ಸಚಿನ್ ಕಾಲೆಳೆದಿದ್ದರು. ಭವಿಷ್ಯ ಅವರು ಈ ಪ್ರಶಸ್ತಿ ಕುರಿತು ಹೇಳಿರಬೇಕು ಎಂಬುದು ಇದರಿಂದ ದಟ್ಟವಾಗುತ್ತಿದೆ.