ಅಹಮದಾಬಾದ್:ಮೊದಲ ಪಂದ್ಯದ ಸೋಲಿನ ನಂತರ ಚೆನ್ನೈನಲ್ಲಿ ರೋಹಿತ್ ಶರ್ಮಾ ಶತಕ ಸಿಡಿಸಿದ್ದು ಸರಣಿಯಲ್ಲಿ ನಮ್ಮ ತಂಡ ಕಮ್ಬ್ಯಾಕ್ ಮಾಡಿದ ಪ್ರಮುಖ ಕ್ಷಣವಾಗಿತ್ತು ಎಂದು ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಹೇಳಿದ್ದಾರೆ.
ಮೊದಲ ಪಂದ್ಯದಲ್ಲಿ 227ರನ್ಗಳ ಸೋಲು ಕಂಡಿದ್ದ ನಂತರ ರೋಹಿತ್ರ ಎರಡನೇ ಟೆಸ್ಟ್ನಲ್ಲಿನ ಶತಕದಾಟ ಭಾರತದ ಕಡೆಗೆ ಸರಣಿ ತಿರುಗಲು ಕಾರಣವಾಯಿತು. ಜೊತೆಗೆ ಉಳಿದ ಪಂದ್ಯಗಳನ್ನು ಗೆಲ್ಲಲು ನೆರವಾಯಿತು ಎಂದು ಕೊಹ್ಲಿ ಪಂದ್ಯದ ಗೆಲುವಿನ ನಂತರ ಪ್ರಶಸ್ತಿ ವಿತರಣೆ ಸಮಾರಂಭದ ವೇಳೆ ತಿಳಿಸಿದ್ದಾರೆ.
" ರೋಹಿತ್ ಅವರ ಆಟ ನಾವು ಸರಣಿಯಲ್ಲಿ ಕಮ್ಬ್ಯಾಕ್ ಮಾಡಿದ ಅತ್ಯಂತ ನಿರ್ಣಾಯಕ ಕ್ಷಣವಾಗಿದೆ. ಆ ಪಿಚ್‌ನಲ್ಲಿ 150 (161) ಗಳಿಸುವುದು 250 ಪಡೆದಷ್ಟೇ ಉತ್ತಮ. ಅದು ನಮ್ಮನ್ನು ಸ್ಪರ್ಧೆಯಲ್ಲಿ ಉಳಿದುಕೊಳ್ಳುವಂತೆ ಮಾಡಿತು. ಅದಲ್ಲದೆ ಅವರು ಸರಣಿಯುದ್ದಕ್ಕೂ ಉತ್ತಮ ಪ್ರದರ್ಶನದ ಜೊತೆಗೆ ಕೆಲವು ಪ್ರಮುಖ ಜೊತೆಯಾಟದಲ್ಲೂ ಪಾಲ್ಗೊಂಡರು" ಎಂದು ಹಿಟ್ಮ್ಯಾನ್ ಬಗ್ಗೆ ಕೊಹ್ಲಿ ಮೆಚ್ಚುಗೆ ಮಾತನಾಡಿದರು.