ಉಮರ್​ ಅಕ್ಮಲ್​ಗೆ ಮತ್ತೆ ಶಾಕ್: ನಿಷೇಧ ಅವಧಿ ಕಡಿತ ವಿರುದ್ಧ ಮೇಲ್ಮನವಿಗೆ ಪಿಸಿಬಿ ನಿರ್ಧಾರ

ಅಕ್ಮಲ್​ಗೆ ತಿರುಗೇಟು ನೀಡಿರುವ ಪಿಸಿಬಿ ಶಿಕ್ಷೆ ಅವಧಿ ಕಡಿಮೆ ಮಾಡಿರುವುದರ ವಿರುದ್ಧವೇ ಮೆಲ್ಮನವಿ ಸಲ್ಲಿಸುವುದಾಗಿ ಹೇಳಿದೆ. ಅಕ್ಮಲ್​ ಅವರ ಮೇಲಿನ ಶಿಕ್ಷೆಯ ಅವಧಿಯನ್ನು ಕೇವಲ ಸಹಾನುಭೂತಿಯ ದೃಷ್ಟಿಕೋನದ ಆಧಾರದ ಮೇಲೆ ತೆಗೆದುಕೊಳ್ಳಲಾಗಿದೆ. ಆದರೆ ಪಿಸಿಬಿಯ ಭ್ರಷ್ಟಾಚಾರ ನಿಯಮ 7.5.4 ಅನ್ವಯ ನ್ಯಾಯಾಧೀಶರ ತೀರ್ಪಿನ ವಿರುದ್ಧ ಮೇಲ್ಮನವಿ ಸಲ್ಲಿಸಲು ಮುಂದಾಗಿದೆ.

ಲಾಹೋರ್​:ಉಮರ್​ ಅಕ್ಮಲ್​ ಅವರ ಶಿಕ್ಷೆಯ ಅವಧಿಯನ್ನು ಕಡಿಮೆ ಮಾಡಿದ್ದ ಕ್ರೀಡಾ ಮಧ್ಯಸ್ಥಿಕೆ ನ್ಯಾಯಾಲಯದ ತೀರ್ಪಿನ ವಿರುದ್ಧ ಮೇಲ್ಮನವಿ ಸಲ್ಲಿಸಲು ಪಾಕಿಸ್ತಾನ ಕ್ರಿಕೆಟ್​ ಬೋರ್ಡ್​ ನಿರ್ಧರಿಸಿದೆ.

ಅಕ್ಮಲ್​ ಪ್ರಕರಣವನ್ನು ವಿಚಾರಣೆ ನಡೆಸಲು ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್‌ ಸ್ವತಂತ್ರ ತೀರ್ಪುಗಾರ ಸಮಿತಿ ರಚಿಸಿತ್ತು. ಕಳೆದ ತಿಂಗಳು ಈ ಪ್ರಕರಣದ ವಿಚಾರಣೆ ನಡೆಸಿದ್ದ ಮಾಜಿ ನ್ಯಾಯಾಧೀಶ ಫಕೀರ್ ಮೊಹಮ್ಮದ್​ ಖೋಕರ್,​​ ಉಮರ್​ ಅಕ್ಮಲ್​ ಅವರ ನಿಷೇಧದ ಶಿಕ್ಷೆಯ ಅವಧಿಯನ್ನು 3 ವರ್ಷಗಳ ಬದಲಾಗಿ 18 ತಿಂಗಳ ಅವಧಿಗೆ ಇಳಿಸಿತ್ತು. ಆದರೆ ಶಿಕ್ಷೆಯ ಅವಧಿಯನ್ನು ಇನ್ನೂ ಕಡಿಮೆ ಮಾಡಲು ಅಕ್ಮಲ್​ ಮೇಲ್ಮನವಿ ಸಲ್ಲಿಸಲು ನಿರ್ಧರಿಸಿದ್ದರು.

ಆದರೆ ಅಕ್ಮಲ್​ಗೆ ತಿರುಗೇಟು ನೀಡಿರುವ ಪಿಸಿಬಿ ಶಿಕ್ಷೆ ಕಡಿಮೆ ಮಾಡಿರುವುದರ ವಿರುದ್ಧವೇ ಮೆಲ್ಮನವಿ ಸಲ್ಲಿಸುವುದಾಗಿ ಹೇಳಿದೆ.