ಟೆಸ್ಟ್​ ಕ್ರಿಕೆಟ್​ನಲ್ಲಿ ಅತಿ ಹೆಚ್ಚು ಎಸೆತಗಳನ್ನು ಎಸೆದಿರುವ ಬೌಲರ್​.. ಲಿಸ್ಟ್​ನ 2ನೇ ಸ್ಥಾನದಲ್ಲಿ ಅನಿಲ್​ ಕುಂಬ್ಳೆ!!

133 ಪಂದ್ಯಗಳನ್ನಾಡಿರುವ ಮುತ್ತಯ್ಯ ಮುರುಳೀದರನ್​​ 230 ಇನ್ನಿಂಗ್ಸ್​ಗಳಲ್ಲಿ ಬೌಲಿಂಗ್​ ಮಾಡಿದ್ದಾರೆ. ಅವರು ಇಷ್ಟು ಇನ್ನಿಂಗ್ಸ್​ಗಳಲ್ಲಿ ಬರೋಬ್ಬರಿ 44, 039 ಎಸೆತಗಳನ್ನು ಎಸೆದಿದ್ದಾರೆ.ಇವರು ಇನ್ನಿಂಗ್ಸ್​ ಒಂದರಲ್ಲಿ ಸರಾಸರಿ 32 ಓವರ್​ ಎಸೆದಿದ್ದಾರೆ..

ನವದೆಹಲಿ :ಕ್ರಿಕೆಟ್​ ಜಗತ್ತಿನ ಅತಿ ಹೆಚ್ಚು ವಿಕೆಟ್​ ಸಾಧನೆ ಮಾಡಿರುವ ಶ್ರೀಲಂಕಾದ ಲೆಜೆಂಡ್​ ಮುತ್ತಯ್ಯ ಮುರುಳೀಧರನ್​ ಟೆಸ್ಟ್​ ಕ್ರಿಕೆಟ್​ ಇತಿಹಾಸದಲ್ಲಿ ಅತಿ ಹೆಚ್ಚು ಎಸೆತಗಳನ್ನು ಎಸೆದಿರುವ ಬೌಲರ್​ ಎಂಬ ಖ್ಯಾತಿಗೆ ಪಾತ್ರವಾಗಿದ್ದಾರೆ.

133 ಪಂದ್ಯಗಳನ್ನಾಡಿರುವ ಮುತ್ತಯ್ಯ ಮುರುಳೀಧರನ್​​ 230 ಇನ್ನಿಂಗ್ಸ್​ಗಳಲ್ಲಿ ಬೌಲಿಂಗ್​ ಮಾಡಿದ್ದಾರೆ. ಅವರು ಇಷ್ಟು ಇನ್ನಿಂಗ್ಸ್​ಗಳಲ್ಲಿ ಬರೋಬ್ಬರಿ 44,039 ಎಸೆತಗಳನ್ನು ಎಸೆದಿದ್ದಾರೆ. ಇವರು ಇನ್ನಿಂಗ್ಸ್​ವೊಂದರಲ್ಲಿ ಸರಾಸರಿ 32 ಓವರ್​ ಎಸೆದಿದ್ದಾರೆ.

2ನೇ ಸ್ಥಾನದಲ್ಲಿರುವ ಭಾರತದ ಲೆಜೆಂಡರಿ ಸ್ಪಿನ್ನರ್​ ಕನ್ನಡಿಗ ಅನಿಲ್​ ಕುಂಬ್ಳೆ 132 ಪಂದ್ಯಗಳಿಂದ 40,850 ಎಸೆತಗಳನ್ನು ಎಸೆದಿದ್ದಾರೆ. 3ನೇ ಸ್ಥಾನದಲ್ಲಿ ಆಸ್ಟ್ರೇಲಿಯಾದ ಶೇನ್​ ವಾರ್ನ್​ 145 ಪಂದ್ಯಗಳಿಂದ 40,705 ಎಸೆತಗಳನ್ನು ಎಸೆದಿದ್ದಾರೆ. ಈ ಮೂವರನ್ನು ಬಿಟ್ಟರೆ ಬೇರೆ ಯಾವುದೇ ಬೌಲರ್​ 40 ಸಾವಿರ ಗಡಿ ದಾಟಿಲ್ಲ.

ಇನ್ನು, ಅತಿ ಹೆಚ್ಚು ವಿಕೆಟ್​ ಪಡೆದ ಲಿಸ್ಟ್​ನಲ್ಲೂ ಈ ಮೂವರೇ ಇದ್ದಾರೆ. ಮುರುಳೀಧರನ್​ 800, ಶೇನ್​ ವಾರ್ನ್​ 700 ಹಾಗೂ ಅನಿಲ್​ ಕುಂಬ್ಳೆ 619 ವಿಕೆಟ್​ ಪಡೆದಿದ್ದಾರೆ.