ಮುಂಬೈ: ಖಾಸಗಿ ಚಾನಲ್ವೊಂದರಲ್ಲಿ ಮಹಿಳೆಯರ ಕುರಿತು ವಿವಾದಿತ ಹೇಳಿಕೆ ನೀಡಿ ಸಂಕಷ್ಟಕ್ಕೊಳಗಾಗಿದ್ದ ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯ ಇದೀಗ ಐಪಿಎಲ್ನಲ್ಲಿ ಮಿಂಚುತ್ತಿದ್ದಾರೆ. ನಿನ್ನೆಯ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನ ನೀಡಿರುವ ಪಾಂಡ್ಯ ಕಳೆದ 7ತಿಂಗಳಲ್ಲಿ ತಮ್ಮ ಕ್ರಿಕೆಟ್ ಜೀವನದಲ್ಲಿ ನಡೆದ ಕರಾಳ ದಿನಗಳನ್ನ ಮೆಲಕು ಹಾಕಿದ್ದಾರೆ.
ವಿಶ್ವಕಪ್ನಲ್ಲಿ ಭಾರತ ಜಯಶಾಲಿ: ಕಳೆದ 7 ತಿಂಗಳ ಕರಾಳ ಸಮಯ ಬಿಚ್ಚಿಟ್ಟ ಹಾರ್ದಿಕ್ ಪಾಂಡ್ಯ!
ಖಾಸಗಿ ಚಾನಲ್ವೊಂದರಲ್ಲಿ ಭಾಗಿಯಾದ ಬಳಿಕ ನಾನು ಹೇಳಿದ ಹೇಳಿಕೆ ತುಂಬಾ ವಿವಾದಕ್ಕೊಳಗಾಗಿತ್ತು. ಇದಾದ ಬಳಿಕ ನಾನು ಕಠಿಣ ಪರಿಸ್ಥಿತಿಗೆ ಒಳಗಾಗಿದ್ದೆ ಎಂದು ಹಾರ್ದಿಕ್ ಹೇಳಿದ್ದಾರೆ.
ಹಾರ್ದಿಕ್ ಪಾಂಡ್ಯ
ನಿನ್ನೆ ಸಿಎಸ್ಕೆ ವಿರುದ್ಧದ ಪಂದ್ಯದಲ್ಲಿ ಕೇವಲ 8 ಎಸೆತಗಳಲ್ಲಿ 25ರನ್, ಹಾಗೂ 4 ಓವರ್ಗಳಲ್ಲಿ 20 ರನ್ ನೀಡಿ ಧೋನಿ ಸೇರಿ ಪ್ರಮುಖ 3ವಿಕೆಟ್ ಪಡೆದು ಮಿಂಚಿದ್ದರು. ಪಂದ್ಯ ಮುಕ್ತಾಯವಾದ ಬಳಿಕ ಮಾತನಾಡಿದ್ದ ಪಾಂಡ್ಯ, ನನ್ನ ಈ ಪ್ರದರ್ಶನದಿಂದ ತುಂಬಾ ಸಂತೋಷವಾಗಿದೆ. ಕಳೆದ 7 ತಿಂಗಳಿಂದ ನನ್ನ ಜೀವನದಲ್ಲಿ ಎಲ್ಲವೂ ಸರಿ ಇರಲಿಲ್ಲ. ಈ ವೇಳೆ ಬಹಳಷ್ಟು ಕಠಿಣ ಹಾಗೂ ಸಂಘರ್ಷವಾದ ಸಮಯ ಕಳೆದಿರುವೆ. ನಮ್ಮ ಕ್ರಿಕೆಟ್ ಜೀವನ ಏನಾಗುವುದೋ ಏನೋ ಎಂಬ ಭಯ ಕೂಡ ಇತ್ತು ಎಂದಿದ್ದಾರೆ.
ಇದೀಗ ನನ್ನ ಪ್ರದರ್ಶನದ ಮೇಲೆ ಹೆಚ್ಚು ಗಮನ ಹರಿಸಿದ್ದು, ವಿಶ್ವಕಪ್ನಲ್ಲಿ ಆಡುವ ಅವಕಾಶ ಸಿಕ್ಕರೆ ಖಂಡಿತವಾಗಿ ಉತ್ತಮ ಪ್ರದರ್ಶನ ನೀಡುವೆ ಎಂದಿದ್ದಾರೆ. ಈ ಸಲ ವಿಶ್ವಕಪ್ನಲ್ಲಿ ಭಾರತ ಜಯಶಾಲಿಯಾಗಲಿದೆ ಎಂದು ಪಾಂಡ್ಯಾ ಇದೇ ವೇಳೆ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.