ತವರು ನೆಲದಲ್ಲಿ ಗೆಲುವಿನ ಖಾತೆ ತೆರೆದ ಮೈಸೂರು ವಾರಿಯರ್ಸ್​

ಕರ್ನಾಟಕ ಪ್ರೀಮಿಯರ್​ ಲೀಗ್​ನ ಪಂದ್ಯದಲ್ಲಿ ಹುಬ್ಬಳ್ಳಿ ಟೈಗರ್ಸ್ ವಿರುದ್ಧ ಮೈಸೂರು ವಾರಿಯರ್ಸ್ ತಂಡ ಜಯ ಸಾಧಿಸಿದೆ.

ಮೈಸೂರು: ಸತತ ಸೋಲಿನಿಂದ ಕಂಗೆಟ್ಟಿದ್ದ ಮೈಸೂರು ವಾರಿಯರ್ಸ್ ತವರು ನೆಲೆದಲ್ಲಿ ಹುಬ್ಬಳ್ಳಿ ಟೈಗರ್ಸ್ ವಿರುದ್ಧ ಜಯಗಳಿಸುವ ಮೂಲಕ ಗೆಲುವಿನ ಖಾತೆ ತೆರೆದಿದೆ.

ಶ್ರೀಕಂಠದತ್ತ ನರಸಿಂಹರಾಜ ಒಡೆಯರ್ ಕ್ರೀಡಾಂಗಣದಲ್ಲಿ ಮೊದಲಿಗೆ ಬ್ಯಾಟಿಂಗ್ ಮಾಡಿದ ಹುಬ್ಬಳ್ಳಿ ಟೈಗರ್ಸ್, ಪ್ರವೀಣ್ ದುಬೆ ಅವರ 52 ರನ್​ಗಳ ಕಾಣಿಕೆಯಿಂದ 20 ಓವರ್​ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 151 ರನ್ ಪೇರಿಸಿತು.

152 ರನ್​ಗಳ ಗುರಿ ಬೆನ್ನತ್ತಿದ ಮೈಸೂರು ವಾರಿಯರ್ಸ್ ತಂಡದ ಆರಂಭಿಕ ಆಟಗಾರ ವಿನಯ್ ಸಾಗರ್ ಹಾಗೂ ಸಿದ್ಧಾರ್ಥ್ ಹುಬ್ಬಳ್ಳಿ ಟೈಗರ್ಸ್ ಬೌಲರ್​ಗಳ ಮೇಲೆ ಸವಾರಿ ಮಾಡಿದ್ರು. ವಿನಯ್ ಸಾಗರ್ 51 ರನ್ ಗಳಿಸಿ ಔಟ್​ ಆದ್ರೆ, ಸಿದ್ದಾರ್ಥ್ 48 ಹಾಗೂ ಅನಿರುದ್ಧ ಜೋಶಿ 46 ರನ್​ಗಳಿಸಿ ತಂಡವನ್ನು ಗೆಲುವಿನ ದಡ ಸೇರಿಸಿದರು.