ಕೊಹ್ಲಿ ಪ್ರಕಾರ, ಕ್ರಿಕೆಟ್​ನಲ್ಲಿ ಅತ್ಯಂತ ಕೆಟ್ಟ ಸಂದರ್ಭ ಯಾವುದು ಗೊತ್ತಾ?

ಭಾರತ ಕ್ರಿಕೆಟ್​ ತಂಡದ ನಾಯಕ ವಿರಾಟ್​ ಕೊಹ್ಲಿ ವಿಂಡೀಸ್​ ವಿರುದ್ಧದ ಮೊದಲ ಏಕದಿನ ಪಂದ್ಯ ಆರಂಭವಾಗುವುದು, ರದ್ದಾಗುವುದು ಕ್ರಿಕೆಟ್​ನ ಕೆಟ್ಟ ಭಾಗ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.

ಜಾರ್ಜ್​ಟೌನ್​:ಭಾರತ ಕ್ರಿಕೆಟ್​ ತಂಡದ ನಾಯಕ ವಿರಾಟ್​ ಕೊಹ್ಲಿ ವಿಂಡೀಸ್​ ವಿರುದ್ಧದ ಮೊದಲ ಏಕದಿನ ಪಂದ್ಯ ರದ್ದಾಗಿದ್ದಕ್ಕೆ ಬೇಸರ ವ್ಯಕ್ತಪಡಿಸಿದ್ದು, ಪಂದ್ಯ ಆರಂಭವಾಗಿ ರದ್ದಾಗುವುದು ಕ್ರಿಕೆಟ್​ನ ಕೆಟ್ಟ ಭಾಗ ಎಂದಿದ್ದಾರೆ.

ವಿಂಡೀಸ್​ ವಿರುದ್ಧದ ಮೊದಲ ಏಕದಿನ ಪಂದ್ಯ ರದ್ದಾಗಿರುವುದಕ್ಕೆ ಕೊಹ್ಲಿ ಹತಾಶೆ ವ್ಯಕ್ತಪಡಿಸಿದ್ದಾರೆ. ಟೂರ್ನಿ ಮಧ್ಯೆ ಪದೇ ಪದೇ ಪಂದ್ಯ ಆರಂಭವಾಗಿ ನಿಲ್ಲುವುದು ಕ್ರಿಕೆಟ್‌ಗೆ ಶೋಭೆಯಲ್ಲ. ಈ ರೀತಿ ಪಂದ್ಯದ ಮಧ್ಯ ಮಳೆ ಬಂದು ಮತ್ತೆ ನಿಂತಮೇಲೆ ಮತ್ತೆ ಮೈದಾನಕ್ಕೆ ಬಂದು ಆಡುವುದರಿಂದ ಆಟಗಾರರು ಗಾಯಕ್ಕೆ ತುತ್ತಾಗುವ ಸಂಭವ ಹೆಚ್ಚಿರುತ್ತದೆ ಎಂದರು.

ಕೆರಿಬಿಯನ್​ ನೆಲದಲ್ಲಿ ಆಡುವ ಬಗ್ಗೆ ಮಾತನಾಡಿರುವ ಕೊಹ್ಲಿ, ವಿಂಡೀಸ್​ ಪಿಚ್​ಗಳು ಉತ್ತಮ ಪೇಸ್​ ಹಾಗೂ ಬೌನ್ಸಿ ಟ್ರ್ಯಾಕ್​ ಆಗಿವೆ. ಎದುರಾಳಿ ತಂಡದ ಬೌಲರ್​ಗಳು ನಿಧಾನಗತಿ ಬೌಲಿಂಗ್​ ನಡೆಸುವುದರಿಂದ ಬೌಲಿಂಗ್‌ಗೆ ಅನುಗುಣವಾಗಿ​ ಬ್ಯಾಟಿಂಗ್​ ನಡೆಸಬೇಕಾಗುತ್ತದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಮೊದಲ ಏಕದಿನ ಪಂದ್ಯ 90 ನಿಮಿಷ ತಡವಾಗಿ ಆರಂಭಗೊಂಡಿತ್ತು. ನಂತರ ಆರಂಭವಾದರೂ ಕೇವಲ 5 ಓವರ್​ಗಳಲ್ಲಿ ಪಂದ್ಯ ಸ್ಥಗಿತಗೊಂಡಿತ್ತು. ಮತ್ತೆ ಆರಂಭಗೊಂಡು 13 ಓವರ್​ಗಳವರೆಗೆ ಮಾತ್ರ ಮ್ಯಾಚ್ ನಡೆದು ಪಂದ್ಯ ಸ್ಥಗಿತಗೊಂಡಿತ್ತು.​