ಮೂರು ವರ್ಷ ಏಕದಿನ ಆಡದ ಆಟಗಾರನಿಗೆ ವಿಂಡೀಸ್ ನಾಯಕತ್ವ ಪಟ್ಟ..!

ಸೆಪ್ಟಂಬರ್ 7 ಹಾಗೂ 8 ರಂದು ವೆಸ್ಟ್ ಇಂಡೀಸ್ ಕ್ರಿಕೆಟ್ ಮಂಡಳಿಯ ಸಭೆಯಲ್ಲಿ ಪೊಲಾರ್ಡ್​ಗೆ ನಾಯಕನ ಪಟ್ಟ ನೀಡಲಾಗಿದೆ. ಈ ವಿಚಾರವನ್ನು ಮಂಡಳಿ ಅಧ್ಯಕ್ಷ ರಿಕ್ಕಿ ಸ್ಕೆರಿಟ್ ಅಧಿಕೃತವಾಗಿ ಘೋಷಿಸಿದ್ದಾರೆ.

ಪೋರ್ಟ್ ಆಫ್ ಸ್ಪೇನ್​:ಭಾರತ ಪ್ರವಾಸದಲ್ಲಿ ತವರಿನಲ್ಲೇ ಎಲ್ಲ ಮಾದರಿಯ ಕ್ರಿಕೆಟ್​ನಲ್ಲೂ ಸರಣಿ ಸೋಲು ಅನುಭವಿಸಿದ್ದ ವೆಸ್ಟ್ ಇಂಡೀಸ್ ತಂಡದ ನಾಯಕ ಜೇಸನ್ ಹೋಲ್ಡರ್​ನನ್ನು ಎರಡು ಮಾದರಿ ಕ್ರಿಕೆಟ್​ನಿಂದ ಕೆಳಗಿಳಿಸಿ ಕೀರನ್ ಪೊಲಾರ್ಡ್​ರನ್ನು ನಾಯಕನನ್ನಾಗಿ ಘೋಷಿಸಿದೆ. ಜೇಸನ್ ಹೋಲ್ಡರ್ ಟೆಸ್ಟ್​ನಲ್ಲಿ ನಾಯಕನಾಗಿ ಮುಂದುವರೆಯಲಿದ್ದಾರೆ.

ವಿಶೇಷವೆಂದರೆ ಪೊಲಾರ್ಡ್​ ಏಕದಿನ ಪಂದ್ಯವನ್ನಾಡಿ ಸುಮಾರು ಮೂರು ವರ್ಷಗಳೇ ಕಳೆದಿವೆ. ಸದ್ಯ ಇದೇ ಆಟಗಾರನಿಗೆ ಏಕದಿನ ಹಾಗೂ ಟಿ20 ನಾಯಕತ್ವನನ್ನಾಗಿ ಹೆಸರಿಸಿದೆ. ಪೊಲಾರ್ಡ್​ 2016 ಅಕ್ಟೋಬರ್ 5ರಂದು ಪಾಕ್ ವಿರುದ್ಧ ಕೊನೆಯದಾಗಿ ಏಕದಿನ ಪಂದ್ಯವನ್ನಾಡಿದ್ದರು. ಫಾರ್ಮ್​ ಸಮಸ್ಯೆಯಿಂದ ಏಕದಿನ ತಂಡದ ಸ್ಥಾನ ಕಳೆದುಕೊಂಡಿದ್ದರು.

ಸೆಪ್ಟಂಬರ್​ 7 ಹಾಗೂ 8 ರಂದು ವೆಸ್ಟ್ ಇಂಡೀಸ್ ಕ್ರಿಕಟ್ ಮಂಡಳಿಯ ಸಭೆಯಲ್ಲಿ ಪೊಲಾರ್ಡ್​ಗೆ ನಾಯಕನ ಪಟ್ಟ ನೀಡಲಾಗಿದೆ. ಈ ವಿಚಾರವನ್ನು ಮಂಡಳಿ ಅಧ್ಯಕ್ಷ ರಿಕ್ಕಿ ಸ್ಕೆರಿಟ್ ಅಧಿಕೃತವಾಗಿ ಘೋಷಿಸಿದ್ದಾರೆ.

ಅಫ್ಘಾನಿಸ್ತಾನ ವಿರುದ್ಧ ನವೆಂಬರ್ 5 ರಿಂದ ಆರಂಭವಾಗಲಿರುವ ಟಿ20 ಹಾಗೂ ಏಕದಿನ ಸರಣಿ ಪೊಲಾರ್ಡ್​ ನಾಯಕತ್ವಕ್ಕೆ ಮೊದಲ ಪರೀಕ್ಷೆಯಾಗಲಿದೆ. ಈ ಸರಣಿ ಭಾರತದಲ್ಲಿ ನಡೆಯಲಿದೆ. ಇದಾದ ವಾರದ ಬಳಿಕ ಭಾರತದ ವಿರುದ್ಧ ವಿಂಡೀಸ್ ತಂಡ ಆಡಲಿದೆ.