ಕೋಲ್ಕತ್ತಾ: ಇಂಡಿಯನ್ ಪ್ರೀಮಿಯರ್ ಲೀಗ್ನ ಮತ್ತೊಂದು ಪಂದ್ಯದಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ 28ರನ್ಗಳ ಜಯ ಸಾಧಿಸಿದೆ. ಇದರಿಂದ ತಾನು ಆಡಿರುವ ಎರಡು ಪಂದ್ಯದಲ್ಲಿ ಗೆಲುವು ದಾಖಲಿಸಿದೆ.
ಈಡನ್ ಗಾರ್ಡನ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಕೆಕೆಅರ್ ಮೊದಲು ಬ್ಯಾಟ್ ನಡೆಸಿತ್ತು. ರಾಬಿನ್ ಉತ್ತಪ್ಪ(67), ನಿತೀಶ್ ರಾಣಾ (63) ಹಾಗೂ ಆಂಡ್ರೆ ರಸೆಲ್ (48) ರನ್ಗಳ ನೇರವಿನಿಂದ 20 ಓವರ್ಗಳಲ್ಲಿ 4ವಿಕೆಟ್ ಕಳೆದುಕೊಂಡು 218ರನ್ಗಳಿಕೆ ಮಾಡಿತು.
219ರನ್ಗಳ ಬೃಹತ್ ಟಾರ್ಗೆಟ್ ಬೆನ್ನತ್ತಿದ್ದ ಪಂಜಾಬ್ ಆರಂಭದಲ್ಲೇ ಮುಗ್ಗರಿಸಿತು. ಆರಂಭಿಕರಾಗಿ ಕಣಕ್ಕಿಳಿದ ರಾಹುಲ್(1)ರನ್ಗಳಿಕೆ ಮಾಡಿ ವಿಕೆಟ್ ಒಪ್ಪಿಸಿದರು. ಇತ್ತ ಗೇಲ್ ಕೂಡ 20ರನ್ಗಳಿಕೆ ಮಾಡಿ ಪೆವಿಲಿಯನ್ ಸೇರಿಕೊಂಡರು. ಇತ್ತ ಸರ್ಫರಾಜ್ ಖಾನ್(13)ರನ್ಗಳಿಸಿ ವಿಕೆಟ್ ಒಪ್ಪಿಸಿದರಿಂದ ತಂಡಕ್ಕೆ ಹಿನ್ನಡೆಯಾಯಿತು.
ಇದಾದ ಬಳಿಕ ಒಂದಾದ ಮಯಾಂಕ್-ಡೇವಿಡ್ ಮಿಲ್ಲರ್ ಉತ್ತಮ ಆಟವಾಡಿದರು ತಂಡವನ್ನ ಗೆಲುವಿನ ದಡ ಸೇರಿಸುವಲ್ಲಿ ಯಶಸ್ವಿಯಾಗಲಿಲ್ಲ. ಮಯಾಂಕ್ 58ರನ್, ಮಿಲ್ಲರ್ ಅಜೇಯ 59ರನ್ ಹಾಗೂ ಮನ್ದೀಪ್ ಸಿಂಗ್ ಅಜೇಯ 33ರನ್ಗಳಿಕೆ ಮಾಡಿದರು.ತಂಡ ಕೊನೆಯದಾಗಿ 20 ಓವರ್ಗಳಲ್ಲಿ 4ವಿಕೆಟ್ ಕಳೆದುಕೊಂಡು 190ರನ್ಗಳಿಸಲು ಮಾತ್ರ ಶಕ್ತವಾಯಿತು. ಹೀಗಾಗಿ 28ರನ್ಗಳ ಸೋಲು ಕಾಣುವಂತಾಯಿತು.
