IPL​ ಕಸರತ್ತು: ಆಟಗಾರರಿಗೆ ದೆಹಲಿಯಲ್ಲಿ ಶಿಬಿರ ಆಯೋಜಿಸಲು ದೆಹಲಿ ಕ್ಯಾಪಿಟಲ್ಸ್​ ಉತ್ಸುಕ

ಕೋವಿಡ್​-19 ಸೋಂಕಿನ ನಡುವೆ ಪ್ರಸಕ್ತ ಸಾಲಿನ ಇಂಡಿಯನ್​ ಪ್ರೀಮಿಯರ್​ ಲೀಗ್ ಅನ್ನು​ ದುಬೈನಲ್ಲಿ ನಡೆಸಲು ಬಿಸಿಸಿಐ ನಿರ್ಧರಿಸಿದ್ದು, ಅದಕ್ಕಾಗಿ ಫ್ರಾಂಚೈಸಿಗಳು ಈಗಿನಿಂದಲೇ ಸಿದ್ಧತೆ ಮಾಡಿಕೊಳ್ಳುತ್ತಿವೆ.

ನವದೆಹಲಿ:ಸೆಪ್ಟೆಂಬರ್​​ 19ರಿಂದ ನವೆಂಬರ್​ 5ರವರೆಗೆ ಯುಎಇಯಲ್ಲಿ ಪ್ರಸಕ್ತ ಸಾಲಿನ ಇಂಡಿಯನ್​​ ಪ್ರೀಮಿಯರ್​ ಲೀಗ್​ ನಡೆಸಲು ನಿರ್ಧರಿಸಲಾಗಿದೆ. ಈ ಟೂರ್ನಿಗಾಗಿ ಎಲ್ಲ ಕ್ರಿಕೆಟ್ ತಂಡಗಳ ಫ್ರಾಂಚೈಸಿಗಳು ಈಗಿನಿಂದಲೇ ಭರದ ತಯಾರಿಯಲ್ಲಿ ತೊಡಗಿವೆ.

ಈ ನಿಟ್ಟಿನಲ್ಲಿ ಒಂದು ಹೆಜ್ಜೆ ಮುಂದಿಟ್ಟಿರುವ ದೆಹಲಿ ಕ್ಯಾಪಿಟಲ್ಸ್​, ಪ್ಲೇಯರ್ಸ್​ಗೆ ದೆಹಲಿಯಲ್ಲಿಯೇ ಶಿಬಿರ ಆಯೋಜಿಸಲು ನಿರ್ಧರಿಸಿದೆ. ಆದ್ರೆ, ಈ ಬಗ್ಗೆ ಇನ್ನೂ ಅಂತಿಮ​ ನಿರ್ಧಾರ ಕೈಗೊಂಡಿಲ್ಲ. ನಾಳೆ ಬಿಸಿಸಿಐ ಆಡಳಿತ ಮಂಡಳಿ ಸಭೆ ಸೇರಲಿದ್ದು, ಪಂದ್ಯಾವಳಿಯ ವೇಳಾಪಟ್ಟಿ ಬಿಡುಗಡೆ​ ಮಾಡುವ ಸಾಧ್ಯತೆ ಇದೆ. ಇದರ ಜತೆಗೆ ತಂಡಗಳ ಮಾಲೀಕರು ಯಾವೆಲ್ಲಾ ಕ್ರಮ ಕೈಗೊಳ್ಳಬಹುದು ಎಂಬ ಮಾಹಿತಿಯನ್ನೂ ನೀಡುವ ಸಾಧ್ಯತೆಯೂ ಇದೆ.

ದೆಹಲಿ ಕ್ಯಾಪಿಟಲ್ಸ್ ತನ್ನ ಬೇಡಿಕೆಯನ್ನು ನಾಡಿದ್ದು ನಡೆಯುವ ಐಪಿಎಲ್​​ ಗವರ್ನಿಂಗ್​​ ಸಭೆಯ ಮುಂದಿಡುವ ಸಾಧ್ಯತೆ ಇದೆ.

ಆಗಸ್ಟ್​ 15ರಿಂದ ನಾವು ತಂಡದ ಭಾರತೀಯ ಆಟಗಾರರಿಗೆ (ಡೆಲ್ಲಿ ತಂಡದ ಪ್ಲೇಯರ್ಸ್​) ಶಿಬಿರ ನಡೆಸಲು ನಿರ್ಧರಿಸಿದ್ದೇವೆ. ಐಪಿಎಲ್‌ ಸಭೆಯಲ್ಲಿ ನಡೆಯಲಿರುವ ತೆಗೆದುಕೊಳ್ಳುವ ನಿರ್ಧಾರದ ಮೇಲೆ ನಾವು ಕೂತೂಹಲ ಹೊಂದಿದ್ದೇವೆ ಎಂದು ಡೆಲ್ಲಿ ಕ್ಯಾಪಿಟಲ್ಸ್ ತಿಳಿಸಿದೆ.

ದೇಶಾದ್ಯಂತ ಲಾಕ್​ಡೌನ್​ ಜಾರಿಗೊಂಡಿರುವ ಕಾರಣ ಅನೇಕ ಪ್ಲೇಯರ್ಸ್​ ತಮ್ಮ ಪ್ಲ್ಯಾಟ್​ಗಳಲ್ಲಿ ಉಳಿದುಕೊಂಡಿದ್ದು, ಅವರಿಗೆ ಈಗಿನಿಂದಲೇ ಶಿಬಿರ ಆಯೋಜನೆ ಮಾಡಿದರೆ ನವೆಂಬರ್​ ತಿಂಗಳ ವೇಳೆಗೆ ಕ್ರಿಕೆಟ್​​ನಲ್ಲಿ ಭಾಗಿಯಾಗಲು ಸಾಧ್ಯವಾಗುತ್ತದೆ ಎಂದು ಹೇಳಿದೆ.