ಪಾದಾರ್ಪಣೆ ಪಂದ್ಯದಲ್ಲೇ ಪುಕೋವ್​ಸ್ಕಿ ಅರ್ಧಶತಕ.. ಚಹಾ ವಿರಾಮದ ವೇಳೆಗೆ ಸುಸ್ಥಿತಿಯಲ್ಲಿ ಆಸೀಸ್

ಮೊದಲ ವಿಕೆಟ್ ಪತನವಾದ ನಂತರ ಜೊತೆಯಾದ ವಿಲ್​ ಪುಕೋವ್​ಸ್ಕಿ ಮತ್ತು ಲಾಬುಶೇನ್, ಆಸೀಸ್ ತಂಡವನ್ನು ಸುಸ್ಥಿತಿಯಲ್ಲಿರಿಸಿದ್ದಾರೆ. 2 ಬಾರಿ ಜೀವದಾನ ಪಡೆದ ವಿಲ್​ ಪುಕೋವ್​ಸ್ಕಿ ಪಾದಾರ್ಪಣೆ ಪಂದ್ಯದಲ್ಲೇ ಚೊಚ್ಚಲ ಅರ್ಧಶತಕ ಸಿಡಿಸಿದ್ದಾರೆ.

ಸಿಡ್ನಿ:ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಮೂರನೇ ಟೆಸ್ಟ್ ಪಂದ್ಯದಲ್ಲಿ ಆಸೀಸ್ ಬ್ಯಾಟ್ಸ್​ಮನ್​ಗಳು ಉತ್ತಮ ಪ್ರದರ್ಶನ ತೋರುತ್ತಿದ್ದು, ಚಹಾ ವಿರಾಮದ ವೇಳೆಗೆ 1 ವಿಕೆಟ್ ನಷ್ಟಕ್ಕೆ 93 ರನ್ ಗಳಿಸಿದ್ದಾರೆ.

ಟಾಸ್ ಗೆದ್ದು ಬ್ಯಾಟಿಂಗ್ ಆರಂಭಿಸಿದ ಆಸ್ಟ್ರೇಲಿಯಾಕ್ಕೆ ಸಿರಾಜ್ ಶಾಕ್ ನೀಡಿದ್ದು, ಡೇವಿಡ್ ವಾರ್ನರ್ ಕೇವಲ 5 ರನ್​ ಗಳಿಸಿ ಪೆವಿಲಿಯನ್ ಸೇರಿಕೊಂಡರು. ಮಳೆಯ ಕಾರಣ ಭೋಜನ ವಿರಾಮದವರೆಗೂ ಪಂದ್ಯ ಕೆಲಕಾಲ ಸ್ಥಗಿತಗೊಂಡಿತ್ತು.

ಮೊದಲ ವಿಕೆಟ್ ಪತನವಾದ ನಂತರ ಜೊತೆಯಾದ ವಿಲ್​ ಪುಕೋವ್​ಸ್ಕಿ ಮತ್ತು ಲಾಬುಶೇನ್ ಆಸೀಸ್ ತಂಡವನ್ನು ಸುಸ್ಥಿತಿಯಲ್ಲಿರಿಸಿದ್ದಾರೆ. 2 ಬಾರಿ ಜೀವದಾನ ಪಡೆದ ವಿಲ್​ ಪುಕೋವ್​ಸ್ಕಿ ಪಾದಾರ್ಪಣೆ ಪಂದ್ಯದಲ್ಲೇ ಚೊಚ್ಚಲ ಅರ್ಧಶತಕ ಸಿಡಿಸಿದ್ದಾರೆ.

ಚಹಾ ವಿರಾಮದ ವೇಳೆಗೆ ಆಸ್ಟ್ರೇಲಿಯಾ ತಂಡ 1 ವಿಕೆಟ್ ಕಳೆದುಕೊಂಡು 93 ರನ್ ಗಳಿಸಿದ್ದು, ವಿಲ್​ ಪುಕೋವ್​ಸ್ಕಿ​ 54 ರನ್ ಮತ್ತು ಲಾಬುಶೇನ್ 34 ರನ್ ಗಳಿಸಿದ್ದಾರೆ.