ಸಿಡ್ನಿ:ಆಸ್ಟ್ರೇಲಿಯಾ ವಿರುದ್ಧದ ಪಿಂಕ್ ಟೆಸ್ಟ್‌ನಲ್ಲಿ ಸ್ಪೂರ್ತಿದಾಯಕ ಪ್ರದರ್ಶನದ ನೀಡಿದ ಭಾರತ ಡ್ರಾ ಸಾಧಿಸುವಲ್ಲಿ ಯಶಸ್ವಿಯಾಗಿದ್ದು, ಪಂದ್ಯದ ನಂತರ ಸಹ ಆಟಗಾರರ ಜೊತೆ ತೆಗೆಸಿದ ಫೋಟೋವನ್ನು ಆರಂಭಿಕ ಆಟಗಾರ ಶುಬ್ಮನ್ ಗಿಲ್ ಹಂಚಿಕೊಂಡಿದ್ದಾರೆ.
ಶುಬ್ಮನ್ ಗಿಲ್ ತಂಡದ ಆಟಗಾರರಾದ ರಿಷಭ್ ಪಂತ್ ಮತ್ತು ನವದೀಪ್ ಸೈನಿ ಅವರೊಂದಿಗೆ ತೆಗೆದಿರುವ ಚಿತ್ರಗಳನ್ನು ಹಂಚಿಕೊಂಡಿದ್ದು, ಮೆಕ್‌ಗ್ರಾತ್ ಫೌಂಡೇಶನ್ ಅನ್ನು ಬೆಂಬಲಿಸುವ ಪಿಂಕ್ ಕ್ಯಾಪ್‌ಗಳನ್ನು ಧರಿಸಿದ್ದಾರೆ.
ಎರಡು ಫೋಟೋಗಳನ್ನು ಪೋಸ್ಟ್ ಮಾಡಿರುವ ಗಿಲ್ "ಪಿಂಕ್ ಟೆಸ್ಟ್, ಎರಡನೇ ಚಿತ್ರದಲ್ಲಿ ಸಂಭಾಷಣೆ ಏನೆಂದು ಯಾರಾದರೂ ಊಹಿಸಬಹುದೇ" ಎಂದಿದ್ದಾರೆ.
ಪ್ರಮುಖ ವಿಕೆಟ್ಗಳ ಪತನದ ನಂತರ ಗಾಯದ ನಡುವೆಯೂ ತಾಳ್ಮೆಯ ಆಟವಾಡಿದ ಹನುಮಾ ವಿಹಾರಿ ಮತ್ತು ರವಿಚಂದ್ರನ್ ಅಶ್ವಿನ್ ಮೂರನೇ ಟೆಸ್ಟ್ ಪಂದ್ಯವನ್ನು ಡ್ರಾ ಮಾಡುವಲ್ಲಿ ಯಶಸ್ವಿಯಾದ್ರು. 4 ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಉಭಯ ತಂಡಗಳು ಒಂದೊಂದು ಅಂಕ ಪಡೆದಿದ್ದು, ಜ.15 ರಿಂದ ಬ್ರಿಸ್ಬೇನ್ನಲ್ಲಿ ನಾಲ್ಕನೇ ಟೆಸ್ಟ್ ಪಂದ್ಯ ಆರಂಭವಾಗಲಿದೆ.