ಆರ್​ಸಿಬಿಗೆ ಸೇರಿದಾಗಲೇ ನನ್ನ ಜವಾಬ್ದಾರಿ ಏನೆಂದು ಫ್ರಾಂಚೈಸಿ ತಿಳಿಸಿತ್ತು: ಹರ್ಷಲ್ ಪಟೇಲ್

ಶುಕ್ರವಾರ ನಡೆದ ಮೊದಲ ಪಂದ್ಯದಲ್ಲಿ ಆರಂಭಿಕ ಓವರ್​ಗಳಲ್ಲಿ ರನ್​ ಬಿಟ್ಟುಕೊಟ್ಟ ಹರ್ಷಲ್, ಡೆತ್ ಓವರ್​ನಲ್ಲಿ ಅದ್ಭುತ ಬೌಲಿಂಗ್ ಮಾಡಿದರು. ಅದರಲ್ಲೂ ಕೊನೆಯ ಓವರ್​ನಲ್ಲಿ ಕೇವಲ 1 ರನ್​ ನೀಡಿ 4 ವಿಕೆಟ್​ ಪಡೆದರು. ಒಟ್ಟಾರೆ 4 ಓವರ್​ಗಳಲ್ಲಿ 27 ರನ್​ ನೀಡಿ 5 ವಿಕೆಟ್​ ಪಡೆದರು.

ಚೆನ್ನೈ:ಮೊದಲ ಪಂದ್ಯದಲ್ಲಿ ಬಲಿಷ್ಠ ಮುಂಬೈ ವಿರುದ್ಧ 5 ವಿಕೆಟ್ ಪಡೆದು ಆರ್​ಸಿಬಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ ಹರ್ಷಲ್ ಪಟೇಲ್​ ತಾವು ಡೆಲ್ಲಿ ಕ್ಯಾಪಿಟಲ್ಸ್​ನಿಂದ ವರ್ಗಾವಣೆಗೊಂಡಾಗಲೇ ತಂಡದಲ್ಲಿ ನನ್ನ ಪಾತ್ರವೇನು ಎಂದು ತಿಳಿಸಲಾಗಿದೆ ಎಂದು ಪಂದ್ಯ ಮುಗಿದ ನಂತರ ನಡೆದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.

ಶುಕ್ರವಾರ ನಡೆದ ಮೊದಲ ಪಂದ್ಯದಲ್ಲಿ ಆರಂಭಿಕ ಓವರ್​ಗಳಲ್ಲಿ ರನ್​ ಬಿಟ್ಟು ಕೊಟ್ಟ ಹರ್ಷಲ್, ಡೆತ್ ಓವರ್​ನಲ್ಲಿ ಅದ್ಭುತ ಬೌಲಿಂಗ್ ಮಾಡಿದರು. ಅದರಲ್ಲೂ ಕೊನೆಯ ಓವರ್​ನಲ್ಲಿ ಕೇವಲ 1 ರನ್​ ನೀಡಿ 4 ವಿಕೆಟ್​ ಪಡೆದರು. ಒಟ್ಟಾರೆ 4 ಓವರ್​ಗಳಲ್ಲಿ 27 ರನ್​ ನೀಡಿ 5 ವಿಕೆಟ್​ ಪಡೆದರು. ಇದು ಐಪಿಎಲ್ ಇತಿಹಾಸದಲ್ಲಿ ಬೌಲರ್​ ಒಬ್ಬ 5 ವಿಕೆಟ್ ಪಡೆದ ಮೊದಲ ನಿದರ್ಶನವಾಯಿತು. ಜೊತೆಗೆ ಟಿ-20 ಕ್ರಿಕೆಟ್​ನಲ್ಲಿ ಹರ್ಷಲ್​ರ ಮೊದಲ 5 ವಿಕೆಟ್​ ಗೊಂಚಲಾಗಿದೆ.

"ನಾನು ಯಾವಾಗ ಡೆಲ್ಲಿಯಿಂದ ವರ್ಗಾವಣೆಗೊಂಡು ಬಂದೆನೋ, ಅಂದೇ ಫ್ರಾಂಚೈಸಿಗಾಗಿ ನಾನು ಯಾವ ಜವಾಬ್ದಾರಿ(ಡೆತ್​ ಓವರ್​) ನಿರ್ವಹಿಸಬೇಕೆಂದು ತಿಳಿಸಿದೆ" ಎಂದು ಹರ್ಷಲ್ ಪಟೇಲ್ ತಿಳಿಸಿದ್ದಾರೆ.

"ಕೊನೆಯ ಎರಡು ಓವರ್‌ಗಳಲ್ಲಿ ನಾನು ಬೌಲಿಂಗ್ ಮಾಡಲಿದ್ದೇನೆ ಎಂಬ ಸ್ಪಷ್ಟ ಸೂಚನೆ ನನಗೆ ತಿಳಿದಿತ್ತು. ( 18 ಮತ್ತು 20 ). ಹಾಗಾಗಿ ನಿನ್ನೆಯ ಪಂದ್ಯದಲ್ಲಿ ನನಗೆ ಸಾಕಷ್ಟು ಸ್ಪಷ್ಟತೆಯಿದ್ದರಿಂದ ಬ್ಯಾಟ್ಸ್​ಮನ್​ಗಳ ವಿರುದ್ಧ ಕೆಲವು ಯೋಜನೆಗಳನ್ನು ಸಿದ್ಧಪಡಿಸಲು ನನಗೆ ನೆರವಾಯಿತು" ಎಂದು ಹರ್ಷಲ್ ಹೇಳಿದ್ದಾರೆ.

ಪೇಸ್​​ನಲ್ಲಿ ಬದಲಾವಣೆ ಮತ್ತು ನಿಧಾನಗತಿಯ ಯಾರ್ಕರ್​ಗಳು ತಮ್ಮ ಬಲ. ಕಳೆದ 15-20 ದಿನಗಳಿಂದ ಸ್ಲೋ ಯಾರ್ಕರ್​ಗಳ ಅಭ್ಯಾಸ ಮಾಡುತ್ತಿರುವುದಾಗಿ ಹರಿಯಾಣ ಬೌಲರ್​ ತಿಳಿಸಿದ್ದಾರೆ.

ನಾನು ಸ್ಲೋ ಯಾರ್ಕರ್​ ಯಾವಾಗಲೂ ಮಾಡುತ್ತಿದ್ದೆ. ಆದರೆ ವಿಕೆಟ್​ ಪಡೆಯದಿದ್ದ ಕಾರಣ ಜನರಿಗೆ ಅದನ್ನು ಗಮನಿಸುವ ಪ್ರವೃತ್ತಿ ಇರುವುದಿಲ್ಲ. ನಾನು ಕೂಡ ಆಟದಲ್ಲಿ ಸರಿಯಾಗಿ ಅದನ್ನು ಪ್ರಯೋಗಿಸಲು ಸಾಧ್ಯವಾಗಿರಲಿಲ್ಲ ಎಂದು ಅವರು ತಿಳಿಸಿದ್ದಾರೆ. ನಿನ್ನೆಯ ಪಂದ್ಯದಲ್ಲಿ ಇಶಾನ್ ಕಿಶನ್ ಮತ್ತು ಮಾರ್ಕೋ ಜಾನ್ಸನ್ ವಿಕೆಟ್ ಪಡೆದಿದ್ದರು.​

ಇದನ್ನು ಓದಿ: 'ಡಿವಿಲಿಯರ್ಸ್​ ಒಬ್ಬನೇ RCBಯ ಚಾಣಾಕ್ಷ ಆಟಗಾರ'... ಗೆಳೆಯನ ಗುಣಗಾನ ಮಾಡಿದ ಕೊಹ್ಲಿ