ಸಿಡ್ನಿ :ಏಕದಿನ ಕ್ರಿಕೆಟ್ನಲ್ಲಿ ತಮ್ಮ ವೈಫಲ್ಯವನ್ನು ಆಸ್ಟ್ರೇಲಿಯಾ ವಿರುದ್ಧದ ಸರಣಿಯಲ್ಲೂ ಮುಂದುವರಿಸಿರುವ ಭಾರತ ತಂಡದ ವೇಗಿ ಬುಮ್ರಾ 2ನೇ ಏಕದಿನ ಪಂದ್ಯದ ವೇಳೆ 30 ಅಡಿ ವೃತ್ತದ ಗುರುತಿಗಾಗಿ ಇಟ್ಟಿರುವ ಮಾರ್ಕರ್ಗಳನ್ನು ಒದೆಯುವ ಮೂಲಕ ತಮ್ಮ ಹತಾಷೆ ವ್ಯಕ್ತಪಡಿಸಿದ್ದಾರೆ. ಈ ಫೋಟೋಗಳು ಸಾಮಾಜಿಕ ಜಾಲಾತಾಣಗಳಲ್ಲಿ ವೈರಲ್ ಆಗುತ್ತಿವೆ.
ಬುಮ್ರಾ ಕಳೆದ ಎರಡು ಪಂದ್ಯಗಳಲ್ಲಿ 73 ಹಾಗೂ 79 ರನ್ ಬಿಟ್ಟುಕೊಟ್ಟಿದ್ದು ಎರಡೂ ಪಂದ್ಯದಲ್ಲೂ ಕೇವಲ ಒಂದು ವಿಕೆಟ್ ಪಡೆಯುವಲ್ಲಿ ಮಾತ್ರ ಯಶಸ್ವಿಯಾಗಿದ್ದಾರೆ. ಈ ಹತಾಷೆಯಲ್ಲಿ ಫೀಲ್ಡಿಂಗ್ ಮಾಡುವ ವೇಳೆ 30 ಅಡಿ ವೃತ್ತದ ಗುರುತಿಗಾಗಿ ಇಟ್ಟಿದ್ದ ಮಾರ್ಕರ್ಗಳನ್ನು ಒದ್ದಿದ್ದಾರೆ. ಈ ಫೋಟೋವನ್ನು ಕ್ರೀಡಾ ಪರ್ತಕರ್ತ ಭರತ್ ಸುಂದರೇಸನ್ ಟ್ವೀಟ್ ಮಾಡಿದ್ದಾರೆ.
ಬುಮ್ರಾ ಮೊದಲ ಸ್ಪೆಲ್ನಲ್ಲಿ ಆಸೀಸ್ ಬ್ಯಾಟ್ಸ್ಮನ್ಗಳು ಜಾಗೃತರಾಗಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಅವರಿಗೆ ರನ್ಗಳಿಸುವ ಆಲೋಚನೆಯನ್ನು ಬಿಟ್ಟಿರುವುದರಿಂದ ವಿಕೆಟ್ ಕೂಡ ಒಪ್ಪಿಸದೆ ಆಡುತ್ತಿದ್ದಾರೆ. ಆಸೀಸ್ ವಿರುದ್ಧದ ಮೊದಲ ಪಂದ್ಯದಲ್ಲಿ ಬುಮ್ರಾ 4 ಓವರ್ ಮಾಡಿ 23 ರನ್, 2ನೇ ಪಂದ್ಯದಲ್ಲಿ 9 ರನ್ ಬಿಟ್ಟುಕೊಟ್ಟಿದ್ದರು. ಆದರೆ, ನಂತರದ ಸ್ಪೆಲ್ಗಳಲ್ಲಿ ಬ್ಯಾಟ್ಸ್ಮನ್ಗಳು ಸೆಟ್ ಆದ ನಂತರ ಬುಮ್ರಾರಿಗೂ ಸುಲಭವಾಗಿ ರನ್ಗಳಿಸುವ ದಾರಿ ಕಂಡು ಕೊಳ್ಳುತ್ತಿದ್ದಾರೆ.
ಬುಮ್ರಾ ಟಿ20 ಕ್ರಿಕೆಟ್ನಲ್ಲಿ ಪರಿಣಾಮಕಾರಿ ಎನಿಸಿಕೊಂಡರೂ ಏಕದಿನ ಕ್ರಿಕೆಟ್ನಲ್ಲಿ ಮಾತ್ರ ತಮ್ಮ ಇಂದಿನ ಫಾರ್ಮ್ಗೆ ಮರಳಲು ಸಾಧ್ಯವಾಗುತ್ತಿಲ್ಲ. ಈ ಹಿಂದೆ ನ್ಯೂಜಿಲ್ಯಾಂಡ್ ವಿರುದ್ಧದ 3 ಪಂದ್ಯಗಳ ಸರಣಿಯಲ್ಲಿ 167ರನ್ ಬಿಟ್ಟುಕೊಟ್ಟಿದ್ದ ಬುಮ್ರಾ ವಿಕೆಟ್ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿರಲಿಲ್ಲ, ಇದೀಗ ಅದೇ ವೈಫಲ್ಯ ಮುಂದುವರಿಯುತ್ತಿರುವುದರಿಂದ ಭಾರತ ತಂಡದ ಸೋಲಿಗೆ ಕಾರಣವಾಗುತ್ತಿದೆ.
